Łukašenka raskazaŭ pra damoŭlenaści z Rasijaj pa nafcie i hazie
Łukašenka siońnia pryniaŭ z dakładam novaha premjer-ministra.
Alaksandr Łukašenka, prymajučy z dakładam premjer-ministra Biełarusi Alaksandra Turčyna, raskazaŭ pra damoŭlenaści z Rasijaj pa nafcie i hazie, piša BiełTA.
«Usie pytańni, jakija treba było, i adzin na adzin, i ŭ šyrokim składzie, asabliva ŭ šyrokim, my abmierkavali (z Uładzimiram Pucinym padčas aficyjnaha vizitu ŭ Rasiju). I pa nafcie, i pa hazie byli dadzieny daručeńni prezidentam Rasii tam ža, kab z hetym razabralisia. Potym jon mnie skazaŭ, što ź Siečynym (kiraŭnikom «Rasnafty») razmaŭlaŭ nakont pierapracoŭki nafty. Tamu ŭ hetym napramku treba prosta dapracavać hetyja pytańni. Vytvaryć formułu cenaŭtvareńnia i hetak dalej», — skazaŭ Łukašenka.
Jon taksama daŭ šerah kankretnych daručeńniaŭ pa pracy vice-premjeraŭ u častcy realizacyi płanaŭ biełaruska-rasijskaha supracoŭnictva.
«Pasolstva treba na ŭsiu katušku padklučać», — dadaŭ jon.
Kamientary