Rasijskaha komika zatrymali ŭ Biełarusi za žarty pra ŭdzielnikaŭ SVA. Biełaruskija siłaviki paviesili na komika miasarubku
HUBAZiK paviedamiŭ pra zatrymańnie 17 sakavika ŭ Biełarusi komika Arciemija Astanina. Dniami ŭ Rasii suprać jaho zaviali kryminalnuju spravu za žarty. Biełaruskija siłaviki pryčapili na zatrymanaha stendapiera miasarubku — takija padarunki atrymali rasijskija maci zahinułych va Ukrainie, a komik pra heta raspavioŭ na kancercie.
Na komika Arciemija Astanina zaviali kryminalnuju spravu za žart pra mužčynu biez noh, jaki «padarvaŭsia na minie».
Pavodle rasijskaha SK, na kancercie Astanin «vykazvaŭ niehatyŭnyja i abraźlivyja kamientary na adras udzielnika śpiecyjalnaj vajennaj apieracyi». Sprava rasśledujecca pa artykule ab uzbudžeńni nianaviści.
Kryminałku suprać komika zaviali, imavierna, praz žart, u jakim Astanin raspaviadaje, jak u pierachodzie mietro jon sutyknuŭsia z mužčynam, jaki straciŭ nohi. Komik nie zhadvaje vajnu, ale kaža, što mužčyna biez noh «na minie padarvaŭsia».
Videa ŭžo vydalena ź jutuba. Uvahu na jaho źviarnuli ŭvahu z-aktyvisty, jakija abvinavacili Astanina ŭ hłumleńni «nad invalidam, jaki, mahčyma, straciŭ svaje nohi ŭ zonie śpiecapieracyi».
Sam komik zajaviŭ, što pažartavaŭ pra «žabraka ŭ mietro, jaki katajecca biez noh na skiejcie ŭžo hadoŭ jak 20». «Pra SVA tam niama ni słova», — skazaŭ jon.
Biełaruskija siłaviki napisali siońnia, što Astanina zatrymali ŭ Minsku i ŭžo pieradali jaho rasijanam. Mahčyma, mužčyna chacieŭ źbiehčy z Rasii praź Biełaruś.
Biełaruskija siłaviki pryčapili na zatrymanaha stendapiera miasarubku. Arciemij Astanin žartavaŭ pra adzin z rasijskich rehijonaŭ, dzie maci zahinułych akupantaŭ Ukrainy atrymali ŭ padarunak miasarubki. Ale nasamreč, takaja historyja sapraŭdy była. U Murmanskaj vobłaści «Adzinaja Rasija» padaryła maci zahinułych udzielnikaŭ vajny miasarubki — u partyi śćviardžajuć, što žančyny sami pra heta paprasili.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary
a ci durań - peŭna, tak