Chvaroby sardečna-sasudzistaj sistemy zajmajuć lidzirujučaje miesca ŭ struktury zachvaralnaści i śmiarotnaści ŭ Biełarusi. Na ich pakutuje kala 30 % darosłaha nasielnictva, pryčym bolšaść ź ich (60-65 %) majuć išemičnuju chvarobu serca (ICHS). Infarkt mijakarda — samaja ciažkaja i raspaŭsiudžanaja forma vostraj ICHS. Pry hetym, jak adznačajuć śpiecyjalisty, jaho možna pasprabavać papiaredzić i źvieści ryzyki da minimumu. Jakija miery dazvolać zachavać zdaroŭje serca i paźbiehnuć infarktu, raskazała doktar-hihijenist adździeła hramadskaha zdaroŭja Minskaha abłasnoha centra hihijeny, epidemijałohii i hramadskaha zdaroŭja Alina Miadźviedź.
Faktary ryzyki
Infarkt mijakarda — heta vostraje zachvorvańnie, abumoŭlenaje hibiellu ŭčastka sardečnaj myšcy ŭ suviazi z vostrym parušeńniem krovazvarotu ŭ im.
Siarod faktaraŭ raźvićcia infarktu mijakarda — ateraskleroz, cukrovy dyjabiet, atłuścieńnie, arteryjalnaja hipiertanija, uzrostavyja źmianieńni, škodnyja zvyčki i, viadoma, stres. Svaju rolu adyhryvaje i spadčynnaść: vypadki išemičnaj chvaroby serca ŭ siamji — jašče adna pryčyna raźvićcia infarktu, tamu varta addać uvahu dyjahnostycy sardečna-sasudzistaj sistemy.
Jak dapamahčy?
Kali vy zapadozryli infarkt, u terminovym paradku treba vyklikać chutkuju dapamohu pa telefonie 103. Paśla zabiaśpiečyć pastupleńnie śviežaha pavietra, adkryŭšy fortački ci akno. Dapamahčy chvoramu pryniać paŭsiadziačaje abo lažačaje stanovišča, rasšpilić kaŭnier i remień, raźviazać pojas.
Adrazu varta pryniać 250 mh aśpirynu (razžavać, prahłynuć) i 0,5 mh nitrahlicerynu (pakłaści pad jazyk). Kali bol nie prachodzić, praź piać chvilin druhi raz pryniać nitrahliceryn. Kali praz 10 chvilin paśla druhoj dozy bol zachoŭvajecca, treba ŭ treci raz pryniać nitrahliceryn.
Što kateharyčna zabaraniajecca?
Najpierš ni ŭ jakim razie nielha ŭstavać, chadzić, kuryć i prymać ježu da pryjezdu ŭrača.
Nielha prymać aśpiryn pry jaho niepieranosnaści (alerhičnaj reakcyi), a taksama pry vidavočnym abvastreńni jazvavaj chvaroby straŭnika.
Pry nizkim cisku, rezkaj słabaści, hałavakružeńni, vostrym parušeńni zroku, maŭleńnia i kaardynacyi ruchaŭ zabaronieny nitrahliceryn.
Charakternyja prykmiety infarktu
- Mocny bol za hrudzinaj, jaki zdušvaje. Jon uźnikaje raptoŭna i značna ŭzmacniajecca.
- Boli abo niepryjemnaje adčuvańnie ŭ adnoj abo abiedźviuch rukach, plačach, šyi, śpinie abo skivicy.
- Abciažaranaje dychańnie.
- Parušeńnie rytmu serca, tachikardyja.
- Słabaść, pavyšanaja patlivaść, młosnaść.
- Hałaŭny bol, hałavakružeńnie i strata prytomnaści.
Prafiłaktyka
Siarod mier, jakija dazvolać zachavać zdarovaje serca, — kantrol masy cieła i arteryjalnaha cisku, fizičnaja aktyŭnaść, racyjanalnaje charčavańnie, admova ad škodnych zvyčak, svoječasovaja dyspansieryzacyja ci miedycynski ahlad.
Ciapier čytajuć
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary