Bieły dom zakryŭ skandalnuju spravu sa skandalnymi pierapiskami ŭ Signal
Bieły dom zakryŭ pytańnie skandału z sakretnym čatam u Signal, kudy pamyłkova dadali hałoŭnaha redaktara vydańnia The Atlantic Džefry Hołdbierha. Pra heta zajaviła pres-sakratarka Biełaha doma Kerałajn Livit, paviedamlaje CNN.
«Jak prezident jasna daŭ zrazumieć, [daradca pa nacyjanalnaj biaśpiecy] Majk Uołc praciahvaje zastavacca važnaj častkaj jaho kamandy pa nacyjanalnaj biaśpiecy, i heta sprava ŭ Biełym domie zakrytaja. Z našaha boku byli zroblenyja kroki, kab padobnaje, zrazumieła, nikoli bolš nie paŭtaryłasia, i my ruchajemsia dalej», — zajaviła pres-sakratarka prezidenta ZŠA Donalda Trampa.
Livit nie vykazała nijakich sumnievaŭ adnosna budučyni Uołca ŭ administracyi Trampa.
«Prezident, Majk Uołc i ŭsia jahonaja kamanda pa nacyjanalnaj biaśpiecy pracujuć razam vielmi efiektyŭna, kali pahladzieć, nakolki biaśpiečniejšaj stała Amieryka dziakujučy ich lidarstvu», — dadała jana.
Nahadajem, što 24 sakavika hałoŭny redaktar The Atlantic Džefry Hołdbierh raskazaŭ, što jaho vypadkova dadali ŭ zakryty čat vysokapastaŭlenych pradstaŭnikoŭ administracyi ZŠA, u jakim abmiarkoŭvalisia detali apieracyi suprać chusitaŭ u Jemienie, raspačataj 15 sakavika.
U hrupavym čacie, pa słovach Hołdbierha, byli ludzi ź imionami Pit Chehsiet (ministr abarony ZŠA), Marka Rubia (dziaržsakratar), Džej Dy Vens (vice-prezident) i inšyja, a dadaŭ jaho čałaviek pa imieni Majk Uołc (tak zavuć daradcu prezidenta ZŠA pa nacbiaśpiecy).
U Biełym domie paźniej paćvierdzili sapraŭdnaść pierapiski ŭ čacie, ale zajavili, što situacyja z uklučeńniem u hrupu starońniaha čałavieka nie stvaryła pahrozu nacyjanalnaj biaśpiecy.
U toj ža čas ekśpierty i apanienty administracyi Trampa ličać toje, što adbyłosia aburalnym parušeńniem praviłaŭ biaśpieki i patencyjnym parušeńniem zakona ab špijanažy.
Vens prapanavaŭ Trampu zvolnić Uołca za skandał z Signal, ale toj pakinuŭ jaho z pryncypu
«Jany sami paklikali mianie ŭ hety čat, a ciapier nazyvajuć miarzotnikam». Hałoŭred Atlantic raskazaŭ, čamu apublikavaŭ pierapisku amierykanskich siłavikoŭ u Signal
Čarhovy skandał z administracyjaj Trampa: žurnalisty znajšli ŭ internecie piersanalnyja danyja top-čynoŭnikaŭ
Na abvinavačańni ŭ chłuśni Atlantic apublikavaŭ novyja skrynšoty z uradavaha čata ŭ Signal. Tramp adkazaŭ novymi abrazami ŭ adras hałoŭnaha redaktara
Kamientary