U Kyrhyzstanie zajavili pra praduchileńnie arhanizacyi masavych biesparadkaŭ
Dziaržaŭny kamitet nacyjanalnaj biaśpieki Kyrhyzstana paviedamiŭ, što im spyniena padrychtoŭka da raspalvańnia mižnacyjanalnaj varožaści praź insceniroŭku łakalnych kanfliktaŭ, jakija pavinny byli pieraraści ŭ masavyja pratesty i biesparadki. Asnoŭnaj metaj inicyjataraŭ, jak śćviardžajecca, była «destabilizacyja hramadska-palityčnaj situacyi i sproba dziaržaŭnaha pieravarotu».
Pres-słužba DKNB paviedamiła, što ŭ pačatku 2025 hoda ŭ miežach kryminalnaj spravy viałosia aktyŭnaje rasśledavańnie dziejnaści hrupy asob, jakija nibyta rychtavali masavyja biesparadki pad kiraŭnictvam ideołahaŭ, adzin ź jakich chavajecca za miažoj, miarkavana ŭ AAE. Usie ŭdzielniki, u tym liku kiraŭniki siaredniaha źviana, vyjaŭlenyja i zatrymanyja.
Hrupa, jak śćviardžajecca, mieła namier źniać fejkavaje pravakacyjnaje videa z udziełam nibyta «pabitaj, paŭaholenaj kyrhyzskaj dziaŭčyny», nad jakoj ździekavalisia zamiežnyja hramadzianie. U roliku dziaŭčyna pavinna była zaklikać da dapamohi suprać inšaziemcaŭ, a paśla heta videa musiła šyrycca ŭ sacsietkach.
Dalej śpiecyjalna padrychtavanyja bajavyja hrupy, uzbrojenyja ahniastrelnaj zbrojaj, mieli namier arhanizavać sutyknieńni i pahromy ŭ miescach pražyvańnia i pracy inšaziemcaŭ u Biškieku.
«Padobnyja pravakacyi rychtavalisia i suprać hramadzian Kyrhyzstana, a taksama pradstaŭnikoŭ pravaachoŭnych orhanaŭ, što pavinna było pryvieści da masavych biesparadkaŭ. Usie hetyja dziejańni nakiroŭvalisia na dyskredytacyju ŭładaŭ i stvareńnie mahčymaściaŭ dla šyrokich pratestnych vystupleńniaŭ, finansavanych tak zvanaj «apazicyjaj», — paviedamlajecca ŭ pres-relizie DKNB.
Usio heta ŭdałosia praduchilić nibyta ŭžo na finalnaj stadyi padrychioŭki, a ciapier «idzie rabota pa vyjaŭleńni i zatrymańni hałoŭnych arhanizataraŭ».
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ13
Kamientary