Biełaruski modny brend adzieńnia choča sudzicca ź inšym — pryčyna ŭ naźvie
Ułaśnica biełaruskaha brendu adzieńnia Respiro Alina Doŭhier raskazała, što na jaje choča padać u sud inšy minski modny brend — Espireo. Apošni źjaviŭsia raniej, i jaho ŭłaśnica ciapier aburana suhučnaściu nazvaŭ.
«Tak, nazvy vielmi suhučnyja i, viadoma ž, ja viedaju pra hety brend. Ale daviedałasia ja pra jaho na momant, kali majmu brendu było 2 hady, a to i 3. Jak ja daviedałasia? Navat nie ŭ inście.
Ja ŭbačyła šyldu na «Majaku Minska» i, kali ščyra, spačatku spałochałasia, ja padumała, što chtości nazvaŭ kramu tak, jak i ŭ mianie, potym učytałasia i supakoiłasia», — piša Doŭhier u sacsietcy Threads.
Žančyna raskazvaje, što pieršaj nazvaj jaje brenda było Micoco. Ale jana chacieła prydumać štości bolš miłahučnaje. U niejki momant uviała ŭ pierakładčyk słova «dychańnie» i stała pierakładać na roznyja movy — i vydała italjanskaje «respiro».
«Ja nie razumieju, čamu ludzi dumajuć, što ich kapijujuć. Ja i pra ŭładalnicu daviedałasia niadaŭna tolki ŭ Threads. Nikoli nie sačyła za jaje brendam.
Heta prosta nie moj styl, nie maja kancepcyja, nie moj farmat zdymak navat, tamu ja ŭ šoku, što ludzi mohuć tak šmat na siabie brać (…). A pra toje, što ja ŭvodžu ludziej u zman, heta jak naohuł možna skazać? Heta značyć, za čałaviek dumaje, što za košt ich nazvy ja raskručvajusia?» — dzivicca pretenzijam Alina.
Ułaśnica brenda Espireo Natalla Niabiesnaja ŭ kamientarach pisała, što jaje tavarny znak zarehistravany ŭ Biełarusi i, kali brend Respiro nie źmienić svaju nazvu, jany mohuć sustrecca ŭ sudzie.
Alina Doŭhier paźniej napisała, što, mahčyma, źmienić nazvu brenda — nie z-za pahroz, a pa svaim žadańni.
-
Dyzajniery prapanujuć vychodzić zamuž u viasielnych šlopancach — takuju kalekcyju vypuścili ŭ Birkenstock
-
Palito za 790 rubloŭ ad biełaruskaha brenda chutka sapsavałasia. Klijentcy paraili zafarbavać paciortaści śpiecyjalnym markieram
-
«Bro, nie kuplaj sabie bulbiany miašok — idzi ŭ zału»: biełaruski viadučy TNT raskrytykavaŭ mužčynskija kaściumy oviersajz
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary