Minski mietrapaliten rekamienduje žycharam horada zahadzia nabyć žetony na prajezd u mietro, paviedamlaje pres-słužba arhanizacyi. Źviazana heta sa śviatkavańniem 9 Maja.
«U suviazi z praviadzieńniem kulturna-masavych mierapryjemstvaŭ… u pieradśviatočnyja i śviatočnyja dni Minski mietrapaliten prosić pasažyraŭ zahadzia nabyvać žetony i prajaznyja kvitki», — havorycca ŭ paviedamleńni.
Pry hetym na ŭsich stancyjach mietro prajezd možna apłacić taksama z dapamohaj bieskantaktnych bankaŭskich kart.
Źviazana hetaja prośba z tym, što ŭ suviazi z praviadzieńniem u horadzie masavych mierapryjemstvaŭ u mietrapalitenie čakajecca vialiki napłyŭ pasažyraŭ, a nieabchodnaść stajać doŭhija čerhi ŭ kasy mohuć stvarać im prablemy.
Darečy, u śviatočnyja dni źmienicca ŭ bok skaračeńnia i intervał ruchu ciahnikoŭ. U piatnicu, 9 maja, jon składzie:
- na 1-j linii (Maskoŭskaj) z 9:00 da 24:00 — 3 chviliny;
- na 2-j linii (Aŭtazavodskaj) z 9:00 da 11:00 — 5 chvilin, z 11:00 da 16:00 — 4 chviliny, z 16:00 da 24:00 — 3 chviliny;
- na 3-j linii (Zielenałužskaj) z 6:00 da 11:00 — 7 chvilin, z 11:00 da 24:00 — 6 chvilin.
U subotu, 10 maja, na Aŭtazavodskaj linii intervał ruchu ciahnikoŭ źmienicca z 19:30 da 24:00 i składzie 5 chvilin.
Taksama ŭ pres-słužbie mietrapalitena źviarnuli ŭvahu, što 9 maja mahčymyja abmiežavańni dla pasažyraŭ na ŭvachod i vychad na stancyi «Płošča Pieramohi» (viestybiul z boku manumienta Pieramohi), a taksama na niekatorych inšych stancyjnych kompleksach, u suviazi z praviadzieńniem śviatočnych mierapryjemstvaŭ.
Ranicaj 9 maja ŭ Minsku pierakryjuć płošču Pieramohi
9 maja ŭ Biełarusi projdzie ahulnanacyjanalnaja chvilina maŭčańnia
U Minska-Mahiloŭskaj dyjacezii dazvolili viernikam 9 maja nie trymać piatničny post
Načny kłub na Zybickaj zaprasiŭ vieteranaŭ vajny pakaštavać biaspłatny śviatočny set. Ich siaredni ŭzrost 99 hadoŭ
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary
Darečy, Niamieččyna kapitulavała 8 traŭnia 1945, ale Stalin, vyrašyŭ śviatkavać pieramohu asobkam. Bo nie źbiraŭsia pakidać svabody ani akupavanaj savietami Ŭschodniaj Jeŭropie, ani ŭłasnym chałopam-pieramožcam. Heta rabiła chutki razryŭ z zachadam niepaźbiežnym, tamu i supolnyja śviaty z budučymi vorahami savietskamu tyranu byli niepatrebny.
U vyniku volnyja ludzi śviatkujuć tuju pieramohu nad niamieckim nacyzmam siońnia, 8 traŭnia, a saŭkovy statak adznačaje niedarečnuju datu 9 traŭnia, bo tak kaliści vyrašyŭ ludažer Stalin, jaki pačynaŭ druhuju suśvietnuju ŭ jakaści ahresara i chaŭruśnika Hitlera na padstavie pakta Mołatava-Rybientropa.