ES płanuje skaračeńnie dypłamatyčnych supracoŭnikaŭ dla ekanomii biudžetu, piša Politico. Skaračeńni zakranuć krainy, da jakich Brusel bolš nie adčuvaje «mocnuju cikavaść». Siarod ich nazyvajuć Biełaruś.
Jeŭrapiejski Sajuz płanuje skaracić kolkaść supracoŭnikaŭ kala 10 dypłamatyčnych pradstaŭnictvaŭ za miažoj i zvolnić kala 100 miascovych pracaŭnikoŭ. Pryčyna — ekanomija biudžetu i źmiena źniešniepalityčnych pryjarytetaŭ.
Pavodle płana, pradstaŭlenaha hałoŭnaj dypłamatkaj ES Kajaj Kałas, niekatoryja pradstaŭnictvy — jak, naprykład, u Biełarusi — buduć źviedzieny da minimumu: tolki pasoł i niekalki pamočnikaŭ.
Častka supracoŭnikaŭ budzie pracavać z domu, što, pa słovach čynoŭnikaŭ, faktyčna aznačaje zakryćcio takich ofisaŭ.
Pry hetym, u inšych krainach, naadvarot, płanujecca ŭzmacnieńnie dypłamatyčnaj prysutnaści. Źmieny źviazanyja z tym, što ES ciapier addaje pieravahu stratehičnym zadačam: zamiest raźvićcia humanitarnaj dapamohi — sankcyjam i supracoŭnictvu ŭ abaronie.
Płan reformaŭ budzie realizavany ciaham nastupnych dvuch hadoŭ. Aptymizacyja pavinna pryvieści da ekanomii kala 9 miljonaŭ jeŭra.
Adnak jeŭračynoŭniki papiaredžvajuć: u budučyni mahčymyja jašče bolš hłybokija skaračeńni ŭ miežach ahulnaha biudžetu ES.
Ciapier čytajuć
Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy3
Kamientary