U sakaviku ŭ hrodzienskich čatach pačała šyroka raspaŭsiudžvacca navina pra sabaku, jakoha znajšli paviešanaha na ŭskrainie horada. Ciapier śledstva vyśvietliła, što žorstki ŭčynak ździejśniŭ 35-hadovy miascovy žychar.
Mužčyna zavioŭ sabaku letam 2024 hoda. Ale ź viasny 2025-ha žyviolina pačała chvareć — sabaku vanitavała, jon nie trymaŭ maču. U dzień trahiedyi zdaryłasia toje ž samaje. Zamiest taho kab źviarnucca da vieterynara i pasprabavać niejak dapamahčy, haspadar vyrašyŭ pazbavicca ad žyvioliny.
Uviečary 17 sakavika jon pajšoŭ na prahułku z žonkaj i sabakam. U pryvatnym siektary paprasiŭ žonku pačakać i pajšoŭ dalej. Kali viarnuŭsia — byŭ užo adzin. Jak vyśvietliłasia, jon paviesiŭ sabaku na drevie kala adnaho z damoŭ.
Śledčamu mužčyna skazaŭ, što spačatku chacieŭ prosta adpuścić sabaku, ale navat nie padumaŭ, kab addać jaho inšym ludziam.
Raniej mužčyna nie byŭ sudzimy, ale maje prablemy z ałkaholem i staić na ŭliku ŭ narkołaha.
Jamu vystaŭlena abvinavačańnie pa č. 1 art. 339-1 Kryminalnaha kodeksa (žorstkaje abychodžańnie z žyviołaj, što pryviało da jaje hibieli, učynienaje z chulihanskich ci inšych nizkich matyvaŭ). Za heta moža pahražać štraf, hramadskija abo papraŭčyja raboty, a taksama aryšt terminam da adnaho hoda.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary