Biełarusu, jaki biehaŭ hołym pa trasie ŭ Varšavie, vystavili abvinavačvańni
Polskaja prakuratura vyłučyła abvinavačvańni 35-hadovamu biełarusu, jaki ŭ krasaviku biehaŭ hołym pa aŭtatrasie S8 u Varšavie. Jamu inkryminujuć paškodžańnie šaści aŭtamabilaŭ, kiravańnie aŭto pad uździejańniem marychuany i stvareńnie realnaj pahrozy darožna-transpartnych zdareńniaŭ. Mužčynu pahražaje da 8 hadoŭ pazbaŭleńnia voli, piša Most.
Incydent adbyŭsia 15 krasavika. Pavodle infarmacyi palicyi, mužčyna znachodziŭsia za rulom aŭtamašyny Hyundai, kali sutyknuŭsia z BMW, a paśla — z cysternaj i mašynaj Peugeot. Paśla hetaha jon vylez z mašyny, zalez na jaje dach, a aŭtamabil tym časam urezaŭsia ŭ adbojnik i jašče paśpieŭ udaryć Iveco.
Padziei praciahnulisia i dalej: ubačyŭšy na darozie hruzavik, biełarus začapiŭsia za jaho zzadu i prajechaŭ tak peŭny adrezak. Na varšaŭskaj vulicy Maryvilskaja jon całkam raspranuŭsia, raźbiŭ škło ŭ Nissan, uźlez na dach Renault i dajechaŭ tak da vulicy Modlinskaj. Tam jaho zatrymali inšyja kiroŭcy i pieradali palicyi.
Mužčynu dastavili ŭ balnicu. Ałkatestar pakazaŭ, što jon byŭ ćviarozy, ale z-za jaho nieadekvatnych pavodzin miedyki nakiravali biełarusa na analiz kryvi na narkotyki. Na nastupny dzień jaho dastavili ŭ prakuraturu rajona Praga Północ, dzie mužčynu pradjavili abvinavačańni. Jon aryštavany na try miesiacy.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary