Ministerstva sielskaj haspadarki i charčavańnia dało prahnoz pa ŭradžaj u 2025 hodzie. Pavodle słoŭ načalnika hałoŭnaha ŭpraŭleńnia raślinavodstva Mikałaja Lešyka, stavicca zadača atrymać nie mienš za 1 miljon ton bulby i nie mienš za 300 tysiač ton harodniny, piša BiełTA.
Taksama ahraryi płanujuć atrymać kala 11 miljonaŭ ton zbožža — praŭda, jak heta ŭ apošnija hady zaviedziena, razam z rapsam.
Mikałaj Lešyk adznačyŭ, što biełaruskija stabilizacyjnyja fondy dajuć mahčymaść zabiaśpiečvać unutrany rynak jakasnaj pradukcyjaj, u tym liku tak zvanym «barščavym naboram». Pavodle jaho słoŭ, biełaruskija ahraryi zrobiać usio mahčymaje, kab zabiaśpiečyć nasielnictva dastupnymi praduktami.
A kab zabiaśpiečyć unutrany popyt na cukar, zachavać vysoki ŭzrovień ekspartu i zabiaśpiečyć pracaj usie čatyry cukrovyja kambinaty krainy, nieabchodna sabrać nie mienš za 5 miljonaŭ ton cukrovych burakoŭ.
«Heta zadača stała ŭžo svojeasablivaj pastajannaj normaj. Sioleta my taksama raźličvajem na ŭradžaj u miežach 5,1 miljona ton cukrovych burakoŭ», — rastłumačyŭ Lešyk.
Urad dazvoliŭ zavozić u Biełaruś deficytnuju aharodninu z «niedružalubnych krain». Robiačy dobruju minu pry kiepskaj hulni
Łukašenka paskardziŭsia Pucinu, što ŭsiu biełaruskuju bulbu pradali ŭ Rasiju
Pucina na naradzie ździvili tym, što ŭ Biełarusi skončyłasia bulba
«Davajcie budziem palivać». Łukašenka raskazaŭ pra ekśpierymient, jaki maje vyrašyć prablemy z bulbaj
Ciapier čytajuć
Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2
Kamientary