Rasijskija vojski prasunulisia ŭ Sumskaj vobłaści kala siołaŭ Vadałaha, Łoknia i Biełavody, śviedčać źviestki manitorynhavaha prajekta Deep State. Pra heta piša vydańnie «Suśpilnie».
Pa danych prajekta DeepState, pa stanie na 29 maja 2025 hoda rasijskija vojski akupavali 93,11 km² terytoryi ŭ Sumskaj vobłaści Ukrainy. Dla paraŭnańnia, jašče 27 maja hetaja płošča składała 67,5 km². Taksama pavialičyłasia i tak zvanaja «šeraja zona» — z 61,65 km² da 72,94 km².
Pavodle słoŭ pradstaŭnika Dziaržaŭnaj pamiežnaj słužby Ukrainy Andreja Dziemčanki, Rasija rychtavała nastupleńnie na hetym kirunku jašče ź minułaha hoda. Jana adciaśniaje ŭkrainskija vojski z pamiežnaj Kurskaj vobłaści i pierakidaje siły na terytoryju Sumščyny. Pry hetym rasijanie vykarystoŭvajuć małyja šturmavyja hrupy, a braniatechniku pakul nie zadziejničajuć — mahčyma, jaje nie chapaje abo jaje pakidajuć dla dalejšych apieracyj.
Meta hetych šturmavych hrup — pratačycca na ŭkrainskuju terytoryju, zamacavacca i čakać padmacavańnia, kab praciahvać nastupleńnie.
28 maja pradstaŭnik ukrainskaha farmavańnia «Kursk» Jarasłaŭ Čapurny paviedamiŭ, što rasijskija vojski sprabujuć prasunucca dalej uhłyb Sumskaj vobłaści, šturmujučy nasielenyja punkty Kindrataŭka i Łoknia. Ukrainskija siły akazvajuć supraciŭ i strymlivajuć nastup.
U hety ž dzień prezident Ukrainy Uładzimir Zialenski zajaviŭ, što da miažy z Sumščynaj Rasija ściahvaje kala 50 tysiač vajskoŭcaŭ. Asnoŭnaja kancentracyja — na Kurskim kirunku, dzie, pavodle jaho słoŭ, znachodziacca «samyja mahutnyja siły» voraha. Meta — vycisnuć ukrainskija vojski z rasijskaj terytoryi i rychtavać maštabny nastup na Sumskuju vobłaść.
Miž tym rasijskaje dziaržaŭnaje ahienctva TASS paviedamiła 28 maja, što rasijskaja armija zachapiła viosku Kanstancinaŭka ŭ Sumskaj vobłaści. Adnak DeepState adznačaje, što jana znachodzicca ŭ «šeraj zonie».
Jašče 24 maja źjaviłasia infarmacyja pra častkovuju akupacyju Sumščyny, a 26 maja kiraŭnik vobłaści Aleh Hryharaŭ paćvierdziŭ, što pad rasijskim kantrolem znachodziacca niekalki siołaŭ: Novieńkaje, Basoŭka (Junakoŭskaja hramada), a taksama Viasiołaŭka i Žuraŭka (Chacinskaja hramada).
U Minbarony RF zajavili, što rasijskija vojski stvarajuć «sanitarnuju zonu» na miažy z Ukrainaj
Rasijanie viaduć nastupleńnie na Sumščynie i majuć peŭnyja pośpiechi
Rasija pačała ściahvać svaje vojski da miažy ŭ rajonie Charkava
Kiraŭnik rajona Kurskaj vobłaści paprasiŭ Pucina zachapić ukrainskija Sumy
Rasijanie nakryli «Iskanderam» palihon pad Sumami. Šeść vajskoŭcaŭ zahinuli VIDEA
Kamientary