Kiraŭnik rajona Kurskaj vobłaści paprasiŭ Pucina zachapić ukrainskija Sumy
Pucin u adkaz na prośbu vyrašyŭ «pažartavać».
Kiraŭnik Hłuškoŭskaha rajona Kurskaj vobłaści Pavieł Załataroŭ zaklikaŭ Uładzimira Pucina zachapić Sumskuju vobłaść Ukrainy.
Hetaja prośba prahučała padčas vizitu Pucina na Kurščynu, paviedamlaje ahienctva «RIA Novosti».
«Sumy pavinny być našy», — zajaviŭ Załataroŭ. Tak jon adkazaŭ na pytańnie Pucina pra toje, na kolki kiłamietraŭ treba advieści Uzbrojenyja siły Ukrainy ad miažy.
Załataroŭ dadaŭ, što zachop ukrainskaj vobłaści nibyta patrebny dla biaśpieki pryhraničnych rajonaŭ Kurskaj vobłaści.
«My nie možam žyć jak na paŭvostravie. Nas pavinna być bolš. Chacia b Sumy. Ja dumaju tak. I z vami, jak z hałoŭnakamandujučym, my pieramožam», — skazaŭ Załataroŭ.
Pucin u adkaz vyrašyŭ, jak pišuć rasijskija dziaržSMI, «adžartavacca»: «Tamu Alaksandra Jaŭsiejeviča [Chinštejna] i abirali [kiraŭnikom Kurskaj vobłaści], jon taksama hetak choča — usiaho pabolš».
Na pieršych za try hady pieramovach u Stambule na minułym tydni rasijskaja delehacyja pahražała zachopam Sumaŭ i Charkava, kali Ukraina nie pahodzicca na vykanańnie ŭsich umoŭ Rasii i nie vyviedzie vojski z Zaparožža i Chiersona.
Ciapier čytajuć
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»12
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary