Minčuka, jaki kinuŭ niedakurak u Viečny ahoń, asudzili pa kryminałcy za chulihanstva
41-hadovy mužčyna, vypiŭšy doma piva i kańjaku, pajechaŭ ź siabroŭkaj prahulacca pa centry stalicy. Kala manumienta Pieramohi mužčyna zakuryŭ, a paśla vykinuŭ niedakurak u Viečny ahoń, pišuć Minsk-naviny.
Nieŭzabavie da minčanina padyšli supracoŭniki milicyi i skazali, što jon zatrymany za ździajśnieńnie chulihanstva. Paśla ŭ dačynieńni da jaho zaviali kryminalnuju spravu. Vinu hramadzianin całkam pryznaŭ, u zroblenym raskajaŭsia.
— Abvinavačvany pracuje mantažnikam u pryvatnaj kampanii, — prakamientavała pamočnik prakurora Partyzanskaha rajona Alena Panamarova, jakaja vystupała pa kryminalnaj spravie dziaržaŭnym abvinavaŭcam.
— Sud pryznaŭ jaho vinavatym u naŭmysnych dziejańniach, jakija hruba parušajuć hramadski paradak i vyražajuć jaŭnuju niepavahu da hramadstva, što adroźnivajucca svajoj sutnaściu vyklučnym cynizmam (chulihanstvie), i na padstavie č. 1 art. 339 KK pryznačyŭ pakarańnie ŭ vyhladzie štrafu 50 bazavych vieličyń (2 100 rubloŭ).
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha16
Kamientary