U minskich kramach źjaviłasia maładaja bulba. Adkul i pa kolki?
Červień — samy čas dla źjaŭleńnia pieršaj maładoj bulby. Vydańnie Blizko.by daviedałasia, jak ź joj spravy ŭ staličnych kramach.
Sioleta viasnoj byŭ ažyjatažny popyt na bulbu ŭ kramach. U pačatku leta źjaŭlajecca pieršaja maładaja bulba ŭradžaju hetaha hoda. Žurnalisty schadzili ŭ kramy Minska i pahladzieli, ci jość maładaja bulba ŭ najaŭnaści i jakija na jaje ceny.
Što z maładoj bulbaj?
U supiermarkiecie «Jeŭraopt» na praśpiekcie Dziaržynskaha, 104B jość bulba jak uradžaju 2024-ha hoda, tak i ciapierašniaha.
Što tyčycca maładoj bulby, to jana tut pradstaŭlenaja dvuch vidaŭ: zvyčajnaja (3,92 rubla) i čyrvonaja (3,71). Vyroščvajuć bulbu ŭ Azierbajdžanie.
U hipiermarkiecie ProStore na praśpiekcie Dziaržynskaha, 126 taksama jość bulba roznych uradžajaŭ. Što tyčycca hetaha hoda, to tut pradstaŭlenaja bulba rańniaja impartnaja (Azierbajdžan) pa 4,42 rubla za kiłahram.
U supiermarkiecie Green pa adrasie vulica Kiryły Turaŭskaha, 24 žurnalist znajšoŭ taksama bulbu letašniaha ŭradžaju i ciapierašniaha. Bulba rańniaja śviežaja z Kazachstana kaštuje 4,27 rubla za kiłahram.
U kramie «Susiedzi» na praśpiekcie Pieramožcaŭ, 49 jość maładaja bulba za 3,45 rubla z Azierbajdžana.
U supiermarkiecie «Ałmi» pa adrasie praśpiekt Dziaržynskaha, 91 maładoj bulby nie było. Biełaruskaja mytaja kaštuje 3,29 rubla.
U supiermarkiecie «Santa» na praśpiekcie Dziaržynskaha, 106 maładoj bulby taksama nie było. Była tolki letašniaja za 2,14 rubla i za 1,46.
Padviadziem vyniki. U kramach bulba jość roznaha hoda ŭradžaju, ale nie va ŭsich. Taksama žurnalist nie zmoh znajści maładuju mienavita biełaruskuju bulbu.
A što na Kamaroŭcy?
Na hałoŭnym rynku biełaruskaj stalicy ŭ prodažy źjaviłasia pieršaja maładaja biełaruskaja bulba ŭradžaju hetaha hoda. Jaje pradajuć užo aktyŭna. Cana, praŭda, kusajecca: za kiłahram paprosiać 10 rubloŭ.
«Biełaruskuju bulbu vysadzili ŭ krasaviku»
Ministr sielskaj haspadarki i charčavańnia Juryj Horłaŭ raniej raskazaŭ, što na pryłaŭki kram nieŭzabavie pastupić biełaruskaja maładaja bulba.
Jon adznačyŭ, što letaś biełaruskija ahraryi vyraścili 780 tysiač ton bulby. Patreba našaj krainy — 78-90 tysiač ton u hod, astatniaje idzie na ekspart.
Sioleta, pa słovach Juryja Horłava, bulbu vysadzili na płoščy 21 tysiača hiektaraŭ. Z ulikam fiermieraŭ płanujecca atrymać kala 1 miljona ton uradžaju.
Kiraŭnik Minsielhascharča adznačyŭ, što rańniuju biełaruskuju bulbu vysadzili ŭ krasaviku, ciapier ahraryi hatovyja prystupać da jaje ŭborki.
«Praz zamarazki viehietacyja viałasia nie takimi tempami, jak fizijałahična pavinna było być. Tamu my zaraz čakajem i prystupajem da ŭborki našaj biełaruskaj bulby, jakaja zadavolić patreby ŭsiaho našaha ŭnutranaha rynku».
Jak adznačyŭ 3 červienia kiraŭnik Minsielhascharča, bulba novaha ŭradžaju pavinna źjavicca na pryłaŭkach užo ŭ bližejšyja tydni.
Ciapier čytajuć
Siostry Hruździevy ciapier važać pad 100 kiłahramaŭ kožnaja16
Siostry Hruździevy ciapier važać pad 100 kiłahramaŭ kožnaja
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary