Amierykanski miljanier pryjechaŭ u Polšču, kab nabyć futbolny kłub, i naśmierć padaviŭsia varenikam
Amierykanski biznesmien polskaha pachodžańnia Tomas Kakasiński, jaki pryjechaŭ u Polšču, kab nabyć častku viadomaha futbolnaha kłuba «Visła» z Krakava, pamior pry trahičnych abstavinach. Jamu było ŭsiaho 42 hady.
4 červienia padčas viačery ŭ adnym z restaranaŭ Kakasiński padaviŭsia varenikam i byŭ špitalizavany ŭ krytyčnym stanie. Miedyki zmahalisia za jahonaje žyćcio niekalki dzion, ale 10 červienia, z-za niezvarotnaha paškodžańnia mozhu, było pryniata rašeńnie adklučyć jaho ad aparata štučnaha dychańnia.
Kakasiński pryjechaŭ u Krakaŭ, kab zaviaršyć pieramovy nakont układańnia 5 miljonaŭ dalaraŭ u kłub i nabyćcia minarytarnaha pakieta akcyj. Jon užo płanavaŭ pieravieści pieršy miljon u najbližejšyja dni, a poŭnuju ździełku chacieli zaviaršyć ciaham troch miesiacaŭ.
Z 2010 hoda biznesmien uznačalvaŭ amierykanskuju mietałaapracoŭčuju kampaniju Metalogic Industries. Jon byŭ ščyra zachopleny raźvićciom krakaŭskaj «Visły», rehularna naviedvaŭ jaje matčy i ŭnutry krainy, i za jaje miežami.
Prezident kłuba Jarasłaŭ Kruleŭski adznačyŭ, što biznesmien byŭ sapraŭdnym prychilnikam kamandy, jak i jon sam kaliści, i chacieŭ być častkaj prajekta nadoŭha.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary