Jaŭhiena Kudzina asudzili pa ciažkim palityčnym artykule, ale pakinuli doma.
38-hadovy minčuk Jaŭhien Kudzin uniesieny ŭ śpis «terarystaŭ», jaki składaje KDB. Jaho imia dadałosia paśla čarhovaha abnaŭleńnia 13 červienia.
Kudzin — šmatdzietny baćka, aktyŭny viernik. Jon prychadžanin jevanhielskaj carkvy «Błahadać»
Jaŭhien haduje troch synoŭ, starejšy tolki skončyŭ pieršy kłas, małodšamu try hady. Žonka Viera pamierła dva hady tamu. Mužčyna ažaniŭsia jašče raz, ale, mahčyma, zastaŭsia adzinym zakonnym pradstaŭnikom dziaciej.
Niadaŭna Jaŭhiena asudzili za «zakliki da naniasieńnia škody nacyjanalnaj biaśpiecy» (č. 3 art. 361 Kryminalnaha kodeksa), jamu pahražała ad 4 da 12 hadoŭ kałonii.
Kudzina pryznali vinavatym, ale pakinuli na svabodzie.
Spačatku jaho abviaścili «ekstremistam», a ciapier jašče i «terarystam».
Znachodžańnie ŭ terarystyčnym śpisie značna ŭskładniaje žyćcio ŭ Biełarusi. Niemahčyma mieć sim-kartku na svajo imia, niemahčyma rabić bieznajaŭnyja płaciažy — navat apłacić kamunałku, niemahčyma kuplać ci pradavać žyllo.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu16
Kamientary