Ministerstva finansaŭ Biełarusi 26 červienia znoŭ praviadzie zamiaščeńnie jeŭraablihacyj. Hetym razam budzie prapanavana abmianiać ablihacyi «Biełaruś-2027», jakija pavinny byli pahašacca 29 červienia 2027 hoda, na novyja dziaržaŭnyja ablihacyi vypusku №340.
Naminał novaj ablihacyi składaje 1000 dalaraŭ, a pracentnaja staŭka i terminy vypłat buduć takimi ž, jak u raniejšych jeŭraablihacyj.
Dla ŭdziełu ŭ abmienie nieabchodna padać zajaŭku i prajści pravierku ŭ adpaviednaści z pastanovaj Savieta Ministraŭ i Nacbanka ad 26 vieraśnia 2022 hoda.
Raźliki pa novych ablihacyjach buduć rabicca ŭ biełaruskich rublach pa kursie Nacbanka, jaki dziejničaje za try pracoŭnyja dni da vypłaty abo pahašeńnia. Trymalnikam taksama viarnuć nazapašanyja pracenty pa starych jeŭraablihacyjach, kali jany paćvierdziać, što vałodali imi na adpaviednyja daty vypłat.
Raniej Minfin užo pravioŭ try padobnyja zamieny, ahulnym abjomam bolš za 625 miljonaŭ dalaraŭ.
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii7
Kamientary