Za minułyja sutki padraździaleńni MNS niekalki razoŭ vyjazdžali na vykliki, źviazanyja sa źjaŭleńniem u damach i dvarach žycharoŭ kažanoŭ i źmiejaŭ.
U ahraharadku Krupica Minskaha rajona žychary doma ŭsiu noč nie mahli zasnuć z-za kažana. Zakłapočanyja haspadary źviarnulisia pa dapamohu da ratavalnikaŭ, jakija złavili načnoha hościa i vypuścili jaho ŭ naturalnaje asiarodździe.
Anałahičny vypadak adbyŭsia i ŭ Dziaržynsku, dzie kažan taksama vyrašyŭ naviedać kvateru na vulicy Pratasava. I znoŭ supracoŭniki MNS apieratyŭna na vyklik, złaviŭšy hościa i vypuściŭšy jaho na volu.
U Vilejskim rajonie ŭ vioscy Łatavičy na ŭčastku adnaho z damoŭ byŭ zaŭvažany vuž.
Za minułyja sutki ŭ Maładziečanskim rajonie supracoŭniki MNS dvojčy vyjazdžali na vykliki, źviazanyja sa źjaŭleńniem źmiejaŭ kažanoŭ. U vioscy Račkava zakłapočanaja žycharka vyjaviła ŭ parniku hadziuku. A ŭ pasiołku Čyści ŭ pryvatnym domie kažan zapoŭz u pieč. U abodvuch vypadkach padraździaleńni MNS apieratyŭna złavili niaprošanych haściej i vypuścili ich udalečyni ad žyłych pabudoŭ.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary