Błohier Rusłan Lińnik na svabodzie paśla zakančeńnia druhoha terminu. Voś čamu ŭźnikła błytanina nakont jaho
Błohier prabyŭ za kratami amal čatyry z pałovaj hady. Ale ciapier jaho imia źjaviłasia ŭ abnoŭlenym milicejskim śpisie «ekstremistaŭ» ź dziŭnaj paznakaj.
23 červienia 2025 hoda rasijskaja «Sota» paviedamiła pra vyzvaleńnie błohiera Rusłana Lińnika. Jon mieŭsia vyjści na svabodu jašče ŭ kastryčniku 2024 hoda, adnak niezadoŭha da płanujemaha vyzvaleńnia jaho pieraaryštavali pa novaj kryminalnaj spravie i adpravili ŭ SIZA. Było nieviadoma, jakoje novaje pakarańnie pryznačyli Lińniku.
A 11 lipienia 2025 hoda Ministerstva ŭnutranych spraŭ dadało Lińnika ŭ śpis «ekstremistaŭ». Nasuprać jaho imieni stajała paznaka «adbyvaje pakarańnie». Dyk dzie ciapier znachodzicca Lińnik? Jak akazałasia, usio ž na svabodzie.
Jak stała viadoma «Našaj Nivie», na novym sudzie Rusłanu Lińniku prysudzili dva z pałovaj hady kałonii za «raspalvańnie varožaści». Adnak za košt častkovaha składańnia pakarańnia z raniejšym terminam i z ulikam adsiedžanaha ŭ SIZA błohier vyjšaŭ na svabodu.
Pakolki farmalna pakarańniem było pazbaŭleńnie voli, to i ŭ milicejskaj bazie źjaviłasia takaja paznaka.
Ahułam Rusłan Lińnik pravioŭ za kratami 4 hady i 4 miesiacy.
Z 2019 hoda jon vioŭ błoh na sacyjalna-palityčnuju tematyku. Tam jon dzialiŭsia svaimi dumkami pra toje, što adbyvajecca ŭ krainie.
Paralelna Lińnik zajmaŭsia svaim chobi — tak zvanym «kryptafizičnym kamitetam». Tam jon šukaŭ NŁA i daśledavaŭ «źjavy, jakija nielha patłumačyć navukova». Z hrupaj siabroŭ jon zajmaŭsia hetym jak minimum da 2015 hoda, ale tematyka daśledavańnia nieviadomaha pryciahvała jaho i paźniej.
«Naša Niva» — bastyjon biełaruščyny
PADTRYMAĆCiapier čytajuć
Kiraŭnik Lidy zaklikaŭ siłavikoŭ nie spyniać palityčnych represij20
Kamientary