Fica: Słavakija zdymaje vieta z 18-ha pakieta sankcyj ES suprać Rasii
Premjer-ministr Słavakii Robiert Fica zajaviŭ, što daručyŭ pradstaŭnikam krainy ŭ Jeŭrapiejskim Sajuzie padtrymać 18-y pakiet sankcyj suprać Rasii. Jon skazaŭ, što jany z kiraŭnicaj Jeŭrakamisii Ursułaj fon der Lajen damovilisia pra harantyi dla Słavakii adnosna cen na haz, piša «Ukrainskaja praŭda».
Pavodle słoŭ Ficy, dalejšaje błakavańnie sankcyj było b kontrpraduktyŭnym, bo ŭsie mahčymaści dla pieramovaŭ ź Jeŭrakamisijaj užo vyčarpanyja, a zaciahvańnie škodzić intaresam samoj Słavakii.
Fica adznačyŭ, što jaho kraina ŭ cełym šeść razoŭ nakładała vieta na 18-y pakiet abmiežavańniaŭ. Pavodle jaho słoŭ, Słavakija maje piśmovyja harantyi ad Jeŭrapiejskaj kamisii, padpisanyja jaje prezidentkaj Ursułaj fon der Lajen i ŭsim kalehiumam jeŭrakamisaraŭ.
Paćvierdžanyja harantyi z boku ES tyčacca cen na haz i mahčymaj jaho niedastatkovaści, transpartnych taryfaŭ, a taksama mahčymaści abviaščeńnia nadzvyčajnaj situacyi ŭ vypadku rezkaha skačka cen abo deficytu hazu, što moža pryvieści da kryzisnych rašeńniaŭ až da skasavańnia zabarony na impart rasijskaha hazu.
Adnačasova premjer paŭtaryŭ svaju pazicyju, što Słavakija nikoli nie padtrymaje poŭnaje spynieńnie pastavak rasijskaha hazu ŭ ES, jakoje moža ŭstupić u siłu z 2028 hoda. Pavodle jaho, heta paškodzić kankurentazdolnaści Jeŭrasajuza, u tym liku i Słavakii.
Niahledziačy na zhodu razbłakavać 18-y pakiet sankcyj, pavodle słoŭ Ficy, adrazu paśla hałasavańnia pačniecca «druhaja faza baraćby za rasijski haz». Jon rastłumačyŭ, što Słavakija ŭžo maje zaćvierdžany płan prasoŭvańnia nacyjanalnych intaresaŭ, stvorany śpiecyjalny apieratyŭny štab dla realizacyi dadzienych harantyj, a taksama praduhledžany strohija kantrolnyja miechanizmy.
U vypadku, kali hetyja miery nie daduć vyniku, Fica papiaredziŭ, što Jeŭrakamisija ŭžo pracuje nad 19-m pakietam sankcyj, jaki taksama budzie patrabavać zhody Słavakii.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Davajcie tak: NN časta karystajecca moŭna rasiejskimi staronkami? Fakt.
U roznych artykłuach byli bačnyja jaŭnyja kalki z rasiejskaj? Tak.
Ci heta moža być miechaničny pierakład z rasiejskaj na biełaruskuju? Mahčyma. Ab hetym moža śviedčyć miž inšym adzin z artykułaŭ z 16 lipienia.
Čamu ŚMI, jakoje samo siabie nazyvaje "Bastyjon Biełaruščyny" karystajecca rasiejskimi viersijami i staronkami? Pytańnie!
Ci suchija fakty taksama budziecie cenzuraj błakavać?