Chronika represij i supracivu 28 žniŭnia – 4 vieraśnia

28 žniŭnia

Adkaz z «nacyjanalnaha schodu» atrymaŭ aktyvist z Homielu Vasil Palakoŭ: jon prasiŭ patłumačyć zakon pra adkaznaść za hramadzki paradak padčas mitynhaŭ (u «Zakonie ab masavych mierapryjemstvach» adkaznymi nazyvajucca arhanizatary, a sud Centralnaha rajonu Homielu admoviŭ u hetym fizyčnym asobam, i heta było padstavaj dla zabarony mitynhu). Adkaz NS byŭ: pałažeńni zakonu «vykładzienyja jasna i zrazumieła».

29 žniŭnia

U Homieli ŭłady nia zdoleli spahnać pa 5 bazavych vieličyniaŭ štrafu za razdaču ŭlotak z Kaciaryny i Andreja Tołčynych: biespracoŭnyja nia mieli hrošaj, a potym syšoŭ termin spahnańnia.

30 žniŭnia

Padčas antyfašysckaha pikietu na płoščy Pieramohi ŭ Miensku byli zatrymanyja Taciana Kamkar, Źmicier Šaŭlukievič, Julija Michajłava, a taksama Rusłan Maćviejeŭ, jaki fatahrafaŭ ich. Maćviejeva jak adzinaha paŭnaletniaha źvinavacili ŭ arhanizacyi niesankcyjavanaj akcyi.

U Baranavičach na pastara carkvy piacidziasiatnikaŭ «Ratavańnie» Siarhieja Paźniakoviča nakłali štraf u 150 b.v. za niesankcyjavany abrad masavaha chryščeńnia.

Hazecie PKB «Tovariŝ» abjadnańnie «Biełpošta» admoviła ŭ raspaŭsiudzie pa padpiscy i ŭrazdrob na 2007 hod.

U Salihorsku padčas razdačy ŭlotak pra haładoŭku Valerja Baranoŭskaha zatrymany moładzievy aktyvist Ivan Šyła. Chłopca zatrymali taksama i 1 vieraśnia.

31 žniŭnia

U centry Babrujsku padčas akcyi pratestu byŭ zatrymany deputat harsavietu, były nastaŭnik Aleś Čyhir (jamu nie padoŭžyli kantraktu z palityčnych pryčynaŭ). Pry zatrymańni jamu paškodzili ruku. Razam ź im zatrymali žurnalistaŭ Juliju Daraškievič, Siarhieja Pulšu, Halinu Abakunčyk, Paŭluka Kanavalčyka, Valerja Laŭkova, Kaciarynu Hierasiankovu, Uładzisłava Piatnicu, Alenu Jakžyk, Nastaśsiu Niekazakavu, Jaŭhiena Ščetava. Prakuratura admoviłasia davać dazvoł na aryšt Čyhira, bo jon deputat. Moładzievaha aktyvista Dzianisa Bujnickaha, zatrymanaha razam ź imi, u sudzie apraŭdali: milicyjanty nie zmahli padać u sud navat pratakołaŭ zatrymańnia.

1 vieraśnia

Žurnalistaŭ niedziaržaŭnaj hazety «Miascovy čas» (Pinsk) nie akredytavali na adkryćci Paleskaha dziaržuniversytetu z udziełam Łukašenki.

Karespandentu «Gazety Wyborczej» Vacłavu Radzivinoviču admovili ŭ akredytacyi: u biełaruskaj ambasadzie ŭ Varšavie jamu zajavili, što jon «nieabjektyŭny žurnalist».

Valer Ščukin padaŭ u Viarchoŭny sud na sudździu Alaksieja Rybakova, jaki vioŭ praces Alaksandra Kazulina. Ščukin ličyć vydaleńnie žurnalistaŭ z zali sudu pieraškodaj u prafesijnaj dziejnaści.

4 vieraśnia

Palitviaźnia Mikołu Statkieviča pieraviali z Baranavičaŭ u viosku Sitniki Puchavickaha rajonu.

Palitviazień Alaksandar Kazulin zajaviŭ, što jamu dahetul nie dali analizaŭ medyčnaha abśledavańnia ŭ turemnaj bolnicy. Taksama jaho svajakam nie dajuć mahčymaści pieradać pitnuju vadu.

❏

Fota Radyjo Svaboda

• 0
• 0
• 0
• 0
• 0
• 0
• 0
• 0