Tramp pachvaliŭ pinžak Zialenskaha i rassypaŭsia ŭ kamplimientach

Padčas minułaj niaŭdałaj sustrečy ŭ Avalnym kabiniecie 28 lutaha 2025 hoda, jak viadoma, militaryzavanaje adzieńnie Uładzimira Zialenskaha, u jakim jon pryncypova chodzić z pačatku poŭnamaštabnaj vajny, stała adnym z razdražnialnych momantaŭ.

Hetym razam Zialenski byŭ apranuty ŭ čorny pinžak, choć i nie zusim kłasičny. «Najlepšaje, što ja mahu zrabić», — skazaŭ Zialenski Trampu na videa, apublikavanych u sacsietkach supracoŭnikaŭ Biełaha doma. «Nie mahu pavieryć, mnie heta vielmi padabajecca», — adkazaŭ Tramp, paciskajučy Zialenskamu ruku.

Tema adzieńnia Zialenskaha ŭźnikała padčas pres-kanfierencyi jašče niekalki razoŭ.

«Zialenski siońnia vielmi dobra vyhladaje. Kłasny kaścium», — zajaviŭ Tramp.

Taksama i karespandent prahramy Real America's Voice Brajan Hlen, jaki ŭ lutym nazvaŭ adzieńnie Zialenskaha niedarečnym, hetym razam zrabiŭ ukrainskamu prezidentu kamplimient:

«Vy vyhladajecie cudoŭna ŭ hetym kaściumie», — zaŭvažyŭ adzin ź lubimych reparcioraŭ Trampa.

U pačatku sustrečy Uładzimir Zialenski pieradaŭ pieršaj łedzi ZŠA Miełanii Tramp list ad svajoj žonki, pieršaj łedzi Ukrainy Aleny Zialenskaj. Pa słovach ukrainskaha lidara, u im pieršaja łedzi Ukrainy dziakuje pieršaj łedzi ZŠA za jaje list rasijskamu lidaru Uładzimiru Pucinu pra budučyniu dziaciej.

Šmat dziakavaŭ Uładzimir Zialenski ad siabie i samomu Trampu, vidać, zrabiŭšy vysnovy ź pieršaha svajho vizitu, kali Tramp i vice-prezident Džej Dzi Vens abvinavacili jaho ŭ niaŭdziačnaści. Vens, darečy, prysutničaŭ na sustrečy i hetym razam, ale ciapier u razmovu nie ŭmiešvaŭsia. 

Zialenski taksama zajaviŭ, što hatovy pravieści va Ukrainie vybary, ale ich nielha pravodzić pakul idzie vajna.

Donalda Trampa spytali, ci sapraŭdy jon miarkuje, što Ukraina pavinna spynić vajnu, jakuju pačała Rasija, na što amierykanski lidar adkazaŭ, što tak.

«Kali vajna skončycca — ja nie viedaju. Ale hetaja vajna skončycca. My zrobim tak, kab hetaja vajna skončyłasia», — zajaviŭ Tramp.

Jon taksama zajaviŭ, što kali siońniašniaja sustreča ź Zialenskim projdzie dobra, to nieŭzabavie adbudziecca trochbakovaja sustreča pamiž lidarami Ukrainy, ZŠA i Rasii. Tramp vykazaŭ nadzieju, što Uładzimir Pucin taksama choča spynieńnia vajny. A ŭvohule heta vajna Džo Bajdena. 

«My pracujem nad mirnym pahadnieńniem, pakul jany vajujuć. Ja chacieŭ by, kab jany spynilisia, ale stratehična heta moža być niavyhadnym dla adnaho ci druhoha boku», — zajaviŭ prezident ZŠA.

Akramia hetaha, Tramp padkreśliŭ, što choča, kab mir va Ukrainie doŭžyŭsia jak maha daŭžej, a nie tolki dva hady. Jon taksama padkreśliŭ: «My nie padtrymlivajem ustupleńnie Ukrainy ŭ NATA, ale my damo joj dakładnyja harantyi biaśpieki».

U hetym ža kantekście Tramp zajaviŭ, što ZŠA «bolš nie addajuć hrošy Ukrainie», a naadvarot — pradajuć zbroju.

Niahledziačy na toje, što kiraŭnik Biełaha doma vystupiŭ suprać ustupleńnia Kijeva ŭ Paŭnočnaatłantyčny aljans, jon skazaŭ: «NATA choča abaranić Ukrainu. My dapamožam im u hetym».

U kancy Tramp zajaviŭ: «Ja lublu ŭkraincaŭ, lublu ŭsich ludziej, taksama i rasijan lublu». Taksama jon skazaŭ, što pahutaryć praz telefon z Pucinym paśla sustrečy ź Zialenskim. Usiaho sustreča praciahvałasia kala 25 chvilin.

Pierad pačatkam zakrytych pieramoŭ pamiž Trampam i Zialenskim u Avalnym kabiniecie pastavili vialikuju kartu Ukrainy. Uschodniaja Ukraina na joj zaštrychavanaja ružovym koleram, pakazvajučy akupavanyja Rasijaj terytoryi. Karespandent Bi-bi-si Entani Zarkier miarkuje, što heta karta moža słužyć Trampu nahladnym arhumientam dla cisku na Zialenskaha z nahody abmienu terytoryj na mir.

Sam Zialenski padčas pres-kanfierencyi vyrazna nie adkazaŭ na pytańnie, ci hatovy jon da terytaryjalnych sastupak.

• 5
• 0
• 2
• 2
• 0
• 1
• 2
• 0