Kiraŭnik Ofisa prezidenta Ukrainy Andrej Jarmak paviedamiŭ, što prapanavaŭ refarmavać Ofis prezidenta. Inicyjatyvu padtrymaŭ prezident Uładzimir Zialenski.
Pavodle Jarmaka, ideja zaklučajecca ŭ tym, kab istotnuju častku supracoŭnikaŭ Ofisa składali vajskoŭcy z paćvierdžanym bajavym dośviedam poŭnamaštabnaj vajny ci vieterany bajavych dziejańniaŭ. Heta pavinna datyčycca ŭsich uzroŭniaŭ i ŭsich departamientaŭ biez vyklučeńnia.
Jon padkreśliŭ, što ŭdzieł takich ludziej u pracy OP budzie spraviadlivym i nieabchodnym.
«Heta mienavita tyja ludzi, što źjaŭlajucca mierkaj honaru, marali i addanaści Ukrainie. Ja dobra viedaju, jak źmianiajecca temp, kali pobač ludzi, što prajšli vajnu. Jany nie šukajuć apraŭdańniaŭ, jany šukajuć rašeńni, jak dasiahnuć vyniku», — adznačyŭ Jarmak.
Zialenski padtrymaŭ prapanovu idei ab uklučeńni ŭ aparat prezidenta vieteranaŭ i vajskoŭcaŭ z bajavym dośviedam.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary
prapanuje 💰