«Biełdžy X50» na 4-m miescy ŭ śpisie samych pradavanych aŭtamabilaŭ u Rasii
Choć Lada zastajecca biezumoŭnym lidaram pa prodažach u Rasii, ale aŭtamabilny brend ź Biełarusi aktyŭna kankuryruje za vysokija pazicyi ŭ topie.
U žniŭni 2025 hoda ŭ Rasii było pradadziena 122 235 novych lehkavych aŭtamabilaŭ, što na 17,6% mienš, čym za anałahičny pieryjad letaś. Pra heta śviedčać danyja analityčnaha ahienctva «Avtostat».
Na hetym fonie vyłučajecca BelGee — biełaruska-kitajskaja marka, što pakazała imklivy rost. U žniŭni jaje prodažy pavialičylisia ŭ 2,2 raza ŭ paraŭnańni ź minułym hodam i skłali 7806 adzinak.
Za studzień—žnivień realizacyja vyrasła ŭ 1,5 raza — da 32,15 tys. aŭtamabilaŭ.
Takim čynam dola BelGee na rasijskim rynku istotna padniałasia: u žniŭni 2025 hoda — 6,39% (2,35% — hod tamu).
Lidarstva na rynku ŭpeŭniena zachoŭvaje marka Lada, na jakuju pryjšłosia 22,6% usich prodažaŭ (27 610 mašyn).
Top-10 samych pradavanych madelaŭ u žniŭni 2025 hoda:
Lada Granta — 12 912;
Haval Jolion — 6643;
Lada Vesta — 6332;
Belgee X50 — 5102;
Chery Tiggo 7L — 3770;
Changan Uni-S — 3532;
Chery Tiggo 4 — 3476;
Geely Monjaro — 3331;
Haval M6 — 3141;
Lada Niva Legend — 3013.
-
Biełaruska nabyła BMW u Maskvie i papała na hrošy — daviałosia dapłacić jašče $12 tysiač, kab jeździć na aŭto
-
U heta składana pavieryć, ale niekatoryja aŭto ŭ Biełarusi kaštujuć našmat tańniej, čym u Jeŭropie. Jak takoje mahčyma?
-
Bolš za pałovu mašyn, jakija zhareli sioleta ŭ Biełarusi, nie mieli dziejnaha techahladu
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary