Darja Šut bałatavałasia ŭ parłamient Narviehii ad libieralnaj partyi Venstre. Pra heta paviedamiła ŭ fejsbuku Julija Mickievič, pieršy namieśnik pradstaŭnika APK pa sacyjalnaj palitycy
«Maja cudoŭnaja kalažanka i siabroŭka, biełaruska Daša Šut bałatujecca ŭ Stortynh — parłamient Narviehii ad libieralnaj partyi Venstre. Cudoŭnaje supadzieńnie, što ja tut u hetyja dni jak naziralnica, i my zmahli sustrecca i abmierkavać asablivaści narviežskaj palityki», — napisała Mickievič.
Parłamienckija vybary prajšli ŭ Narviehii 8 vieraśnia. Vybarščyki abirajuć 169 deputataŭ. Vybary prachodziać pa partyjnych śpisach.
Levaja kaalicyja na čale z Rabočaj partyjaj premjer-ministra Jonasa Hara Store pa vynikach praviedzienych u paniadziełak parłamienckich vybaraŭ zastajecca va ŭładzie.
Rabočaja partyja, pavodle papiarednich vynikaŭ vybaraŭ, zaniała pieršaje miesca, atrymaŭšy 26% hałasoŭ i 53 miescy ŭ parłamiencie, a ŭsiaho piać levych partyj zavajavali 87 z 169 mandataŭ.
Jonas Har Stiore, jak čakajecca, zastaniecca kiraŭnikom ŭrada mienšaści, jakoje buduć padtrymlivać astatnija čatyry levyja partyi.
Rezka ŭzrosłaja papularnaść antyimihranckaj Partyi prahresu vyvieła jaje na druhoje miesca: 24% hałasoŭ i 48 deputackich mandataŭ. Heta bolš čym u dva razy bolš, čym na minułych vybarach u 2021 hodzie.
Urad Jonasa Hara Stiore aktyŭna padtrymlivaje Ukrainu, vydzialajučy na dapamohu joj miljardy dalaraŭ.
Libieralnaja partyja, zasnavanaja ŭ 1884 hodzie, atrymała try miescy (na minułych vybarach było vosiem miescaŭ), Darja Šut była 11-j u śpisie.
Kamientary