Karcina mastaka Pitera Paŭla Rubiensa «Chrystos na kryžy» była znojdziena ŭ paryžskim majontku, jaki rychtavali da prodažu, piša AFP sa spasyłkaj na prezidenta aŭkcyjonnaha doma Osenat Žan-Pjera Asienata.
«Chrystos na kryžy», karcina fłamandskaha mastaka Pitera Paŭla Rubiensa (1577—1640), jakuju ličyli źnikłaj z 1613 hoda, była znojdziena ŭ Paryžy ŭ hateli asablivaha typu (asabniaku), paviedamiŭ u sieradu, 10 vieraśnia, licenzavany aŭkcyjanist, jaki adkryŭ hetu znachodku.
«Heta šedeŭr, «Chrystos na kryžy», napisany ŭ 1613 hodzie, jaki źnik, i jakoha ja znajšoŭ u vieraśni 2024 hoda padčas invientaryzacyi i prodažu asabniaka ŭ 6-m akruzie Paryža», — udakładniŭ AFP Žan-Pjer Asienat, prezident aŭkcyjonnaha doma ź jaho imiem, jaki vystavić karcinu na aŭkcyjon 30 listapada ŭ Fantenbło. «Heta nadzvyčajna redka i nievierahodnaje adkryćcio, jakoje stanie adnoj z hałoŭnych padziej majoj karjery aŭkcyjanista», — dadaŭ jon.
«Jana była napisanaja Rubiensam na viaršyni jaho talentu i była aŭtentyfikavanaja prafiesaram Nilsam Biutneram», — śpiecyjalistam u halinie niamieckaha, fłamandskaha i hałandskaha mastactva XV—XVI stahodździaŭ i prezidentam Rubenianum — arhanizacyi, jakaja znachodzicca ŭ Antvierpenie, pobač z byłym domam-masterniaj Rubiensa i zajmajecca vyvučeńniem jaho tvorčaści, pavodle Žan-Pjera Asienata.
«Ja chadziŭ pa sadzie Rubiensa i mitusiŭsia tudy-siudy, pakul kamitet ekśpiertaŭ abmiarkoŭvaŭ aŭtentyčnaść karciny, kali jon mnie patelefanavaŭ i skazaŭ: «Žan-Pjer, u nas novy Rubiens!»» — raskazaŭ jon z chvalavańniem.
«Heta pačatak baročnaha žyvapisu: ukryžavany Chrystos pradstaŭleny izalavanym, aśvietlenym i vyrazna vyłučanym na fonie ciomnaha i pahroźlivaha nieba. Za skalnaj i zielaniejučaj scenahrafijaj Hałhofy vidać vid na Jerusalim, jaki aśvietleny, ale, vidać, achopleny navalnicaj», — udakładniŭ Asienat.
Hetaja karcina — «sapraŭdnaja prajava viery i adna ź lubimych tem Rubiensa, pratestanta, jaki pierajšoŭ u katalicyzm», — praciahnuŭ Žan-Pjer Asienat, udakładniŭšy, što tvor znachodzicca ŭ «vielmi dobrym stanie» zachavańnia.
Chacia mastak stvaryŭ šmat karcin dla Kaścioła, hety šedeŭr pamieram 105,5 na 72,5 santymietra, vierahodna, pryznačaŭsia pryvatnamu kalekcyjanieru. Karcina naležała akademičnamu mastaku XIX stahodździa Viljamu Buhro, a zatym — uładalnikam paryžskaha majontka, dzie jana była znojdziena. Jaje śled byŭ adnoŭleny na padstavie hraviury, i jana była aŭtentyfikavanaja ŭ vyniku «daŭhoha rasśledavańnia i techničnych ekśpiertyz, takich jak renthienaŭskija zdymki i analiz pihmientaŭ», — taksama adznačyŭ aŭkcyjanist.
Ciapier čytajuć
Maryna Adamovič apublikavała novyja FOTY Mikoły Statkieviča1
Kamientary