Turapieratary arhanizujuć viartańnie ŭ Biełaruś udzielnikaŭ aŭtobusnych turaŭ u Jeŭropu
Viadučyja biełaruskija turapieratary pa aŭtobusnych turach ciapier vyrašajuć prablemy ź viartańniem dachaty arhanizavanych hrup ź Jeŭropy, paviedamili ŭ Respublikanskim sajuzie turystyčnych arhanizacyj (RSTA). Pra heta piša Myfin.by.
Dva aŭtobusy z 82 turystami pavinny byli viartacca z Hrecyi i Italii 14 vieraśnia praź pierachod Terespal — Brest. Jak paviedamlajuć turapieratary, hetyja hrupy buduć pieranakiravanyja na litoŭska-biełaruski pierachod Miedniki — Kamienny Łoh.
Hetym ža samym pierachodam skarystajucca hrupy, jakija pavinny adpraŭlacca ŭ hetyja dni ŭ Jeŭropu.
Taksama turapieratary vykarystoŭvajuć dla pajezdak u Zachodniuju Jeŭropu tranzit pa Łatvii, adznačajuć u RSTA.
Što tyčycca dalejšaha chodu padziej, to pakul nijakich kardynalnych źmien u składzienyja da Novaha hoda płany vyjezdaŭ u Jeŭropu aŭtobuśniki nie ŭnosiać.
Niahledziačy na ŭsiu niavyznačanaść situacyi, u turfirmach adznačajuć, što paniki niama — u tym liku siarod biełaruskich turystaŭ. Pa-raniejšamu iduć zapyty i praciahvajucca braniravańni aŭtobusnych kambinavanych turaŭ u Jeŭropu — naprykład, na Kalady i Novy hod.
Što budzie z aŭtobusnymi turami ŭ Jeŭropu paśla zakryćcia miažy z Polščaj
Kampanii, jakija arhanizujuć pajezdki ŭ Polšču, admianiajuć rejsy
«Žyviom tut jak u tanku». Biełarusy z pamiežža raskazali, jak pieražyvajuć zakrytuju miažu i vučeńni
Pieranakiravać patok hruzavikoŭ z zakrytaj polskaj miažy budzie składana. Voś u čym prablema
«Mis Biełaruś» usio bolš nahadvaje konkurs pryhažości ŭ haremie23
Kamientary