U Vialikabrytanii na aŭkcyjonie pradali redki list, napisany na borcie «Tytanika» ŭsiaho za niekalki dzion da jaho krušeńnia. Aŭtar — amierykanski biznesmien i piśmieńnik Arčybald Hrejsi, piša Bild.
List, datavany 10 krasavika 1912 hoda, pajšoŭ z małatka za rekordnuju sumu — kala 350 000 jeŭra.
«Heta adzin z samych kaštoŭnych listoŭ takoha kštałtu, jakija nam viadomyja», — zajavili ŭ aŭkcyjonnym domie Henry Aldridge & Son.
Hrejsi, pasažyr pieršaha kłasa, napisaŭ siabru ŭ Anhlii: «Heta pryhožy karabiel, ale ja pačakaju kanca padarožža, pierš čym vykažu svajo mierkavańnie pra jaho». Jon apisvaje raskošu łajniera i zabavy na borcie.
Užo na nastupny dzień, 11 krasavika, list byŭ adpraŭleny ź irłandskaha porta Kvinstaŭn — heta byŭ apošni prypynak pierad Atłantykaj. Usiaho praz try dni, u noč na 15 krasavika, łajnier sutyknuŭsia z ajśbierham i zatanuŭ, zabraŭšy žyćci amal 1500 čałaviek.
Hrejsi dapamahaŭ pasažyram sieści ŭ vyratavalnyja šlupki, ale ŭ niejki momant jaho zmyła za bort. Jon zdoleŭ dapłyści da pierakulenaj šlupki i čatyry hadziny pravioŭ u ledzianoj vadzie, pierš čym jaho vyratavali. Jon akazaŭsia ŭ liku 712 tych, chto vyžyŭ.
Paśla vyratavańnia Arčybald Hrejsi napisaŭ knihu The Truth about the Titanic («Praŭda pra Tytanika»), jakaja stała biestseleram. Ale sam jon tak i nie akryjaŭ ni fizična, ni maralna: praz usiaho vosiem miesiacaŭ paśla katastrofy, 4 śniežnia 1912 hoda, jon pamior u Ńju-Jorku ad uskładnieńniaŭ, vyklikanych dyjabietam i pieraachaładžeńniem.
«Tytanik» na dnie akijana pastupova razburajecca. Kolki jon jašče vytrymaje?
«Kali daviedaŭsia, što vybuchnuła, adčuŭ palohku». Śviedka trahiedyi padłodki «Tytan» — pra strach za źnikłych i łžyvuju nadzieju
Brytanski akcior Biernard Chił — kapitan «Tytanika» — pamior va ŭzroście 79 hadoŭ
Aŭstralijski miljarder pabuduje kopiju «Tytanika», jakaja pojdzie tym ža maršrutam
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami25
Kamientary