Aŭstralijski miljarder pabuduje kopiju «Tytanika», jakaja pojdzie tym ža maršrutam
Aŭstralijski miljarder Kłajv Pałmier znoŭ viarnuŭsia da płanaŭ budaŭnictva kopii «Tytanika». Adpravić łajnier u pieršy rejs jon maje namier u 2027 hodzie, piša CNN. Upieršyniu miljarder vykazaŭ takuju ideju jašče ŭ 2012 hodzie, adnak praz try hady pracy prajekt zharnuli z-za prablem ź finansavańniem.
Pavodle padlikaŭ Pałmiera, dzieviacipałubnaje sudna abydziecca jamu ŭ 1 młrd dalaraŭ. Adnačasova na im zmohuć płyć da 2,5 tysiač čałaviek.
Budaŭnictva pavinna pačacca ŭ 2025 hodzie, ale pakul dla hetaha nie znajšli prydatnaj vierfi.
Ciapier partniory prajekta zakłapočanyja pošukam vykanaŭcy tendaru, kab da kanca hoda zaćvierdzić sudnabudaŭnika. Pieramožcam tarhoŭ Pałmier žadaje bačyć «kahości ź Jeŭropy», bo nie vieryć, što «kitajskija standarty adpaviadajuć pastaŭlenaj zadačy».
Novy łajnier zabiaśpiečać sučasnymi sistemami navihacyi i biaśpieki, a dyzajn budzie adnaŭlać patanuły aryhinał: kajuty z draŭlanymi kamodami i vysokimi aračnymi dźviarnymi prajomami, draŭlanaja leśvica i h. d.
Vyratavalnych šlupak na sudnie budzie ŭ razy bolš, čym na aryhinalnym «Tytaniku». Sudnabudaŭniki buduć vykarystoŭvać najnoŭšyja technałohii, jakija pavinny vyklučyć usie ryzyki. Pałmier choča ŭvasobić u žyćcio historyju karabla, ale biez trahičnaha finału.
Čakajecca, što pieršy rejs sudna zrobić z Saŭthiemptana ŭ Ńju-Jork, paŭtarajučy maršrut aryhinalnaha «Tytanika».
Aryhinalny pasažyrski łajnier «Tytanik» adpraviŭsia ŭ svoj pieršy i apošni rejs 10 krasavika 1912 hoda. U noč z 14 na 15 krasavika jon sutyknuŭsia z ajśbierham u vodach paŭnočnaj Atłantyki i zatanuŭ. U vyniku zahinuli kala 1,5 tys. čałaviek, tolki 712 pasažyram i členam ekipaža ŭdałosia vyratavacca.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj39
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2929
Kamientary