Žychary Zavodskaha rajona niepakojacca z-za masavaj hibieli katoŭ i ličać, što heta sprava ruk skurałupa, pišuć Minsk-naviny.
Z pačatku vieraśnia žychary rajona aŭtazavoda ŭ Minsku stali znachodzić trupy svaich chatnich hadavancaŭ. Haradžanie miarkujuć, što katoŭ naŭmysna zabivajuć, pryčym z asablivaj žorstkaściu. Paćvierdžańnie tamu — rasporatyja žyvaty i vyniatyja vantroby.
— Našy hadavancy, jakija nie vychodziać za miežy ŭłasnych dvaroŭ, stanoviacca achviarami hetaha mańjaka. Złamyśnik niejkim čynam vymańvaje ich, paśla čaho pa-źviersku zabivaje, a źniaviečanyja trupy padkidvaje pad płaty ci varoty haspadaroŭ, dadajučy tym samym cynizmu da svajho złačynstva, — napisali čytačy.
Sa słoŭ miascovych žycharoŭ, vyjaŭlena bolš za 10 zahinułych žyvioł ź identyčnymi traŭmami. Kab pryciahnuć uvahu da prablemy, uładalniki paviedamlajuć pra jaje ŭ pravaachoŭnyja orhany i rasklejvajuć abjavy pa rajonie.
Miž tym, nielha vyklučać i vierahodnaść taho, što pradstaŭniki siamiejstva kacinych mahli stać achviarami badziažnych sabak. Pa infarmacyi administracyi Zavodskaha rajona, pradstaŭniki «Faŭny horada» pravodziać u rajonie adpaviednyja rejdavyja mierapryjemstvy. Na dadzieny momant viadoma ab adnym vypadku adłovu.
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary