U noč na 22 listapada ŭ Samarskaj vobłaści Ukraina praviała ataki bieśpiłotnikami na pramysłovyja abjekty. Celami stali pradpryjemstvy paliŭna-enierhietyčnaha kompleksu, paviedamiŭ hubiernatar vobłaści Viačasłaŭ Fiedaryščaŭ.
U Syzrani pry adbićci ataki dva čałavieki zahinuli ad padzieńnia BPŁA, jašče dvoje atrymali traŭmy. Pavodle miascovych žycharoŭ, siarod abjektaŭ byŭ Syzranski naftazavod «Rasnafty» mahutnaściu 8,5 miljona ton u hod, jaki ŭžo raniej u žniŭni padviarhaŭsia napadu i časova spyniaŭ pracu.
Akramia taho, Uzbrojenyja siły Ukrainy ŭdaryli pa niekalkich padstancyjach. U Kurskaj vobłaści ŭ vyniku ataki ŭ mikrarajonie Baroŭskim Rylska vyjšli z ładu dźvie kacielni, biez elektryčnaści zastalisia kala 3 tysiač abanientaŭ. Adnak paciarpiełych nie było, paviedamiŭ hubiernatar vobłaści Alaksandr Chinštejn.
U anieksavanym Rasijaj Krymie paciarpieła elektrapadstancyja «Krasnapierakopsk» mahutnaściu 220 kV. Na miescy ŭdaru adbyŭsia pažar; praz padstancyju idzie tranzit i raźmierkavańnie mahutnaści pa paŭnočnym rehijonie Kryma.
U Rastoŭskaj vobłaści ataki zakranuli horad Milerava, dzie raźmieščany vajskovy aeradrom. Hubiernatar Rastoŭskaj vobłaści Juryj Ślusar paviedamiŭ pra paškodžańni administracyjnaha budynka i techniki na terytoryi. U chutary Tranioŭka vybityja vokny ŭ pryvatnym domie, paškodžanyja haspadarčyja pabudovy i haraž. Ludzi nie paciarpieli.
Ministerstva abarony Rasii zajaviła pra źniščeńnie za noč 69 bieśpiłotnikaŭ: 16 nad Rastoŭskaj vobłaściu, pa 15 — nad Samarskaj i Sarataŭskaj, jašče 13 — nad Krymam. Unačy Rasavijacyja zakryvała aeraporty ŭ Samary, Saratavie, Pienzie, Tambovie i Uljanaŭsku praz pavietranyja ataki.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary