U Łatvii chočuć adnavić staryja bałoty na miažy ź Biełaruśsiu. Vajskoŭcy tolki za
Łatvijskaja armija padtrymała ideju adnaŭleńnia starych miescaŭ zdabyčy torfu, jakija znachodziacca na ŭschodnim pamiežžy Łatvii. Miarkujecca, što ich pieraŭtvareńnie ŭ pryrodnyja bałotnyja ekasistemy moža stać dadatkovym faktaram dla ŭmacavańnia abaronazdolnaści krainy, bo takija terytoryi słužać naturalnaj pieraškodaj.
Płanami praduhledžvajecca adnaŭleńnie bałotaŭ, vodnych abjektaŭ, śpiecyjalnych kultur dla bałotnych zon, a taksama lasoŭ na terytoryjach, što raniej byli parušanyja torfazdabyčaj. Heta dazvolić nie tolki adnavić pryrodnaje asiarodździe i źmianšać škodu dla resursaŭ, ale i skaracić patrebu ŭ vialikich materyjalnych i čałaviečych vydatkach padčas abarončych apieracyj.
Prajekty realizujucca ŭ miežach inicyjatyvy «Padtrymka revitalizacyi histaryčnych miescaŭ zdabyčy torfu», jakuju kaardynuje Vidziemski rehijon razam z partniorami z Łathalii, Ziemhalii i Kurziemie. Asablivaja ŭvaha nadajecca tym terytoryjam, dzie adnaŭleńnie bałotnych ekasistem budzie mieć najbolšy ŭpłyŭ na farmiravańnie Bałtyjskaj abarončaj linii ŭzdoŭž uschodniaj miažy.
Dla finansavańnia rabot miascovyja ŭłady płanujuć vykarystoŭvać srodki fondaŭ Jeŭrapiejskaha sajuza, asabliva ŭ ramkach metavaha napramku, źviazanaha z admovaj ad vykarystańnia torfu ŭ enierhietycy i źmiakčeńniem nastupstvaŭ pierachodu da klimatyčnaj niejtralnaści.
Jak vyhladaje samaja daskanałaja linija abarony ŭ Jeŭropie, jakuju Polšča buduje na miažy ź Biełaruśsiu
«Dalej budzie zasucha». Na Paleśsi pierasychajuć bałoty, i heta moža mieć kiepskija nastupstvy
Pałkoŭnik armii ZŠA pra pošuk źnikłych vajskoŭcaŭ u Padbrodździ: Za 24 hady słužby ja nie bačyŭ ničoha padobnaha
Pieršaja sproba vadałazaŭ dabracca da patanułaj mašyny ŭ Padbrodździ akazałasia niaŭdałaj
Kamientary