Vajskovyja abjekty i infrastruktura SPA byli paškodžanyja ŭ anieksavanym Krymie
U noč na 21 vieraśnia ŭ vyniku ataki na anieksavany Krym byli paškodžanyja vajskovyja abjekty i infrastruktura supraćpavietranaj abarony. Pavodle papiarednich źviestak, udary byli naniesienyja dronami i, imavierna, rakietami «Niaptun». Zafiksavanyja paškodžańni radyjołakacyjnych ustanovak i zienitna-rakietnaha kompleksu.
U noč na 21 vieraśnia ŭ vyniku ataki na anieksavany Krym byli paškodžanyja vajennyja abjekty, paviedamili krynicy ASTRA ŭ ekstrannych słužbach rehijona.
Pavodle krynic, dva drony ŭdaryli pa aŭtakałonie mabilnaha punkta 31‑j dyvizii SPA ŭ rajonie siała Vałačajeŭka ŭ Razdolnienskim rajonie i źniščyli radyjołakacyjnuju ŭstanoŭku.
Jašče adzin bieśpiłotnik uzarvaŭsia i paškodziŭ ZRHK «Pancyr-S1» u rajonie siała Danskoje Simfieropalskaha rajona. Taksama adzin vajskoviec atrymaŭ ranieńnie.
Akramia taho, budynki kazarmy, kłuba, navučalnaha korpusa i stałovaj na pazicyi 31‑j dyvizii ŭ rajonie siała Vicina Sakskaha rajona byli paškodžanyja ŭ vyniku dvuch udaraŭ, naniesienych, jak miarkujecca, rakietami «Niaptun».
MA RF paviedamlała, što ŭ noč na 21 vieraśnia nad Krymam byli źbityja 12 BPŁA, jašče 4 — nad akvatoryjaj Čornaha mora.
-
Na froncie zahinuŭ suzasnavalnik UNA-UNSO i były palitviazień Kramla Mikoła Karpiuk
-
Try najbujniejšyja mietałurhičnyja zavody Ukrainy spynili pracu paśla rasijskich atak. Cełaja halina pramysłovaści akazałasia pad pahrozaj
-
Dron ci balistyka? Što heta za «Pielikan», jakim siońnia ŭkraincy atakavali Maskvu
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary