Ministr kultury Rusłan Čarniecki syhraje Astapa Biendera ŭ śpiektakli «12 kresłaŭ»
Nacyjanalny akademičny dramatyčny teatr imia Maksima Horkaha rychtuje premjeru — muzyčny śpiektakl «12 kresłaŭ». Hałoŭnuju rolu Astapa Biendera vykanaje ministr kultury Biełarusi Rusłan Čarniecki, jaki z 2005 hoda, užo 20 hadoŭ, słužyć u trupie, piša «Kamsamołka»
Insceniroŭku pavodle kultavaha ramana Ilji Ilfa i Jaŭhiena Piatrova stvaryŭ mastacki kiraŭnik Horkaŭskaha teatra, zasłužany dziejač mastactvaŭ Biełarusi Siarhiej Kavalčyk. Jon ža — režysior-pastanoŭščyk śpiektakla, premjera jakoha adbudziecca 19 kastryčnika.
«12 kresłaŭ» paŭstanuć u vyhladzie muzyčnaha śpiektakla ŭ dvuch dziejańniach. «Kiravać paradam buduć stvaralniki rok-opiery «Hraf Monte-Krysta», — adznačajuć u teatry. Nazvanaja rok-opiera stała teatralnym chitom Minska, na jaki vielmi chutka razychodziacca kvitki. Darečy, kampazitar novaj pastanoŭki — Cimur Kalinoŭski.
Rolu Astapa vykonvajuć u roznych składach akcior Alaksandr Hirenak i zasłužany artyst krainy Rusłan Čarniecki. A vobraz Varabjaninava ŭvasobiać na scenie Horkaŭskaha teatra zasłužanyja artysty Andrej Dušačkin i Siarhiej Čekieres.
U teatry taksama adznačajuć, što pastanoŭka stała mahčymaj dziakujučy padtrymcy Ministerstva kultury Rasii i pradpryjemstva «Ruskija siezony».
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary