Zhodna z zaklučeńniem ekśpierta, kiroŭca mieŭ mahčymaść zahadzia ŭbačyć piešachoda.
U sudzie razhladali avaryju, jakaja zdaryłasia ŭ Minsku 2 sakavika. Abstaviny raskazali ahienctvu «Minsk-Naviny» ŭ prakuratury Maskoŭskaha rajona stalicy.
Kala 00:40 41‑hadovy mužčyna jechaŭ za rulom Fiat Doblo, jaki naležaŭ znajomamu jaho baćki. Minčuk ruchaŭsia pa krajniaj levaj pałasie vulicy Michałoŭskaj u napramku vulicy Jelskich. Kab abjechać pryparkavany aŭtamabil, kiroŭca staŭ pierastrojvacca ŭ inšuju pałasu. Jon adciahnuŭ uvahu na lusterka zadniaha vidu i ŭ toj momant najechaŭ na niećviarozaha piešachoda, jakoha nie zaŭvažyŭ u pieršaj pałasie. Zhodna z zaklučeńniem ekśpierta, kiroŭca mieŭ mahčymaść zahadzia ŭbačyć jaho.
Paciarpiełaha zabrała chutkaja — piešachodu byli pryčynienyja mienš ciažkija cialesnyja paškodžańni (pa prykmiecie praciahłaha rasstrojstva zdaroŭja na termin nie bolšy za čatyry miesiacy).
Na kiroŭcu Fiat Doblo zaviali kryminalnuju spravu — pa č.1 art. 317 Kryminalnaha kodeksa (parušeńnie pravił darožnaha ruchu kiroŭcam, što paciahnuła pa nieaściarožnaści pryčynieńnie mienš ciažkaha cialesnaha paškodžańnia). Vinu jon całkam pryznaŭ i raskajaŭsia. Mužčyna maje dvuch dziaciej i pracuje indyvidualnym pradprymalnikam. U vyniku sud daŭ jamu štraf u pamiery 400 bazavych vieličyń (16 800 rubloŭ).
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4242
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu42
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3434
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było34
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary
Navat kali poŭny psich bieh pa darozie nasustrač aŭtamabilu, ci vyskpčyŭ źnianacku, kiroŭca nie maje prava najazdžać, a abaviazany zrabić ŭsio, kab nie najechať na čałavieka.