Nivodny kłub NCHŁ nie zabraŭ biełaruskaha abaroncu z draftu admovaŭ
Nivodny kłub Nacyjanalnaj chakiejnaj lihi nie zabraŭ abaroncu «Dałas Starz» Uładzisłava Kalačonka z draftu admovaŭ, kudy jon byŭ vystaŭleny napiaredadni.
Takim čynam, hulec zbornaj Biełarusi adpravicca ŭ Amierykanskuju chakiejnuju lihu (ACHŁ), dzie budzie vystupać za farm-kłub «Kałarada» «Techas Starz».
Kalačonak byŭ adpraŭleny ŭ «Dałas» z «Pitsburha» ŭletku ŭ miežach ździełki.
U minułym siezonie Uładzisłaŭ pravioŭ za «Pitsburh» 12 matčaŭ i adznačyŭsia dźviuma halavymi pieradačami.
Novy siezon u Nacyjanalnaj chakiejnaj lizie startuje 7 kastryčnika. Rehularny čempijanat, vyhladaje, u NCHŁ pačnuć čatyry chakieisty: Jahor Šaranhovič («Kałhary Fłejmz»), Alaksiej Protas («Vašynhton Kepitałz») i Illa Sałaŭjoŭ («Kałarada Evełanš»), Arciom Leŭšunoŭ («Čykaha»)
Astatnija piać biełarusaŭ, jakija brali ŭdzieł u pieradsiezonnych matčach, adpraŭlenyja ŭ farm-kłuby, što hulajuć u ACHŁ (druhoj pa sile chakiejnaj lizie Paŭnočnaj Amieryki).
Illu Protasa «Vašynhton» kamandziravaŭ u «Chieršy», zhadanaha Kalačonka «Dałas» addaŭ u «Techas Starz», hałkipiera Mikitu Tałapiłu «Vankuvier» — u «Abatsford Kenaks» (za «Abatsford» taksama hulaje Daniła Klimovič), a hałkipiera Alaksieja Kołasava «Fiładelfija» ŭ «Lichaj Veli», abaroncu Jahora Sidarava «Anachajm» — u «San-Dyjeha». Za «Roksfard» vystupaje Dźmitryj Kuźmin.
Ale padčas siezona kłuby mohuć vyklikać biełarusaŭ nazad u NCHŁ.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča12
Kamientary