Śviet

U Jeŭrasajuzie nabyli moc novyja praviły palityčnaj rekłamy. Jany pavinny ŭskładnić źniešniaje ŭmiašańnie ŭ vybary

10 kastryčnika nabyvajuć moc novyja praviły Jeŭrapiejskaha Sajuza, jakija rehulujuć palityčnuju rekłamu. Ich meta — spynić manipulavańnie infarmacyjaj, uzmacnić zmahańnie z dezynfarmacyjaj i supraćstajać zamiežnamu ŭmiašańniu ŭ vybary, piša Euronews.

Zdymak ilustracyjny. Fota: Horacio Villalobos#Corbis/Corbis via Getty Images

Pavodle novaha rehłamientu ES, kožnaja palityčnaja rekłama pavinna mieć śpiecyjalnuju paznaku prazrystaści. Jana pavinna dakładna pakazvać, što heta rekłama, utrymlivać infarmacyju pra sponsara, typ vybaraŭ i sumu, zapłačanuju za raźmiaščeńnie. Akramia taho, uvodzicca zabarona na zamiežnaje finansavańnie palityčnaj rekłamy ŭ miežach ES.

Hetyja praviły, viadomyja jak Pałažeńnie ab prazrystaści i tarhietavańni palityčnaj rekłamy, byli prapanavanyja Jeŭrakamisijaj jašče ŭ 2021 hodzie paśla sieryi vypadkaŭ umiašańnia ŭ elektaralnyja pracesy — ad padziej na Kapitolii ŭ ZŠA da mierkavanaha rasijskaha ŭpłyvu na refierendum pa Breksicie.

Pieršyja vybary, dzie praviły buduć upieršyniu ŭžytyja, — heta parłamienckija vybary ŭ Niderłandach 29 kastryčnika 2025 hoda.

Adnak technałahičnyja hihanty, takija jak Meta (Facebook, Instagram, Threads, WhatsApp) i Google, vykazali niezadavolenaść: jany śćviardžajuć, što novyja normy zanadta składanyja, stvarajuć jurydyčnuju niavyznačanaść i praktyčna niemahčymyja dla vykanańnia. Meta navat abviaściła, što spyniaje raźmiaščeńnie palityčnaj rekłamy ŭ ES, bo nie moža zabiaśpiečyć adpaviednaść usim patrabavańniam.

Niekatoryja inšyja płatformy, jak TikTok i LinkedIn, užo raniej całkam zabaranili palityčnuju rekłamu, a X dazvalaje jaje tolki pry vykanańni nacyjanalnych pravił.

Ekśpierty adznačajuć, što novaŭviadzieńni mohuć najbolš baluča ŭdaryć pa nievialikich palityčnych partyjach i kandydatach, jakija raniej vykarystoŭvali tarhietavanuju rekłamu, kab dasiahnuć vybarcaŭ. Ciapier im daviadziecca šukać inšyja šlachi — naprykład, praz tradycyjnyja ŚMI, influensieraŭ abo bolš aktyŭnuju prysutnaść u sacsietkach.

Miedyjaarhanizacyi i vydavieckija sajuzy taksama zaniepakojenyja: jany śćviardžajuć, što novyja patrabavańni technična składana vykonvać, asabliva ŭ vypadkach, kali rekłama raźmiaščajecca praz aŭtamatyčnyja sistemy (prahramatyk-rekłamu). Vydaŭcy prosiać ES udakładnić praviły i pracesy identyfikacyi sponsaraŭ, kab paźbiehnuć pamyłak i ryzyki parušeńnia zakona.

Kamientary

Ciapier čytajuć

Što viadoma pra 26‑hadovuju biełarusku Vieru, jakuju pradali na orhany ŭ Mjanmu

Usie naviny →
Usie naviny

Viadučyja suśvietnyja ŚMI admovilisia padpisvacca pad novymi praviłami Pientahona. Im pahražaje pazbaŭleńnie akredytacyi2

Ź biełaruskaj draŭniny pabudavanaja nie tolki Ryha, ale i pałacy ŭ Brytanii

Ofis Cichanoŭskaj sapraŭdy razhladaje pierajezd u inšuju krainu. Najpierš — u Polšču53

Vajskoŭcy zajavili ab zachopie ŭłady na Madahaskary. U administracyi prezidenta śćviardžajuć, što jon zastajecca na pasadzie2

U Biełarusi ŭpieršyniu źjaviłasia vakcyna, jakuju baćki čakali hadami. Pa šalonym košcie, ale raskupili jaje ŭ momant9

MZS Ukrainy vydała zajavu ŭ suviazi z represijami pa «spravie Hajuna»29

Salihorski «Šachcior» aficyjna pryznali bankrutam3

Z bataničnaha sadu ŭ Hiermanii skrali hihanckuju raślinu, jakaja mocna śmiardzić padłaj6

U Homielskim cyrku kłoŭn padčas vystupleńnia praź nieaściarožnaść pakalečyŭ mužčynu4

bolš čytanych navin
bolš łajkanych navin

Što viadoma pra 26‑hadovuju biełarusku Vieru, jakuju pradali na orhany ŭ Mjanmu34

Što viadoma pra 26‑hadovuju biełarusku Vieru, jakuju pradali na orhany ŭ Mjanmu

Hałoŭnaje
Usie naviny →

Zaŭvaha:

 

 

 

 

Zakryć Paviedamić