U vydaviectvie «Mastackaja litaratura» vyjšła kniha aŭtarstva Vitalii Hłaz z nazvaj «Praz kazku — pra mastactva», jakaja ŭ vaśmi kazkach apaviadaje pra tvory znakamitych biełaruskich mastakoŭ ad Białynickaha-Biruli da Sieleščuka, piša Bellit.info.
Aŭtarka Vitalija Hłaz finalistka litaraturnaha konkursu «LitUP/LitUP» 2024 hodu.
Kniha ŭ kazačnaj formie znajomić z tvorčaściu Stanisłava Žukoŭskaha, Vitolda Białynickaha-Biruli, Abrama Manieviča, Kazimira Alchimoviča, Judala Pena, Mikoły Sieleščuka, Jazepa Drazdoviča i Aleny Kiš.
«Hetaja kniha — adzin sa sposabaŭ pahavaryć ź dziećmi pra mastactva. Vitalija Hłaz spačatku prapanuje čytaču kazku-historyju i niekalki karcin, potym — niekalki adkrytych pytańniaŭ. Naprykancy idzie bijahrafičnaja daviedka i partret mastaka ci mastački», — raskazvaje pra knihu błohierka @kniznyja_razmovy.
Kniha budzie cikavaj i darosłym, i dzieciam, asabliva tym, chto lubić malavać i cikavicca mastactvam. «Byvaje, dzieci viedajuć zamiežnych tvorcaŭ, a svaich — nie, i padajecca, što ŭ nas ničoha niama i nie było. Było — i jakoje! Tamu dziakuj aŭtarcy za takuju ideju i realizacyju!» — adhukajecca błohierka.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary