«Грошы класці ў скрыначку, рэшту браць з яе». Каля Косаўскага замка прадаюць вяленую рыбу напавер
Чытач аднаго з брэсцкіх парталаў даслаў фота, якое адразу прыцягнула ўвагу: на заснежанай паляне, проста каля сцяны замка ў Косаве Івацэвіцкага раёна, на вяроўцы развешаныя вяленыя рыбіны. А вось прадаўца побач няма, піша BGMedia.
«Цяпер такое каля замка ў Косаве. Гэта Беларусь!», — падпісаў аўтар здымка.
Тут поўны давер і простыя правілы.
Замест прадаўца — таблічка. На ёй акуратны надпіс: «1 шт — 5 рублёў. Грошы класці ў скрыначку — рэшту браць з яе. Пакеты побач».
Гэта значыць, схема простая: убачыў рыбу — выбраў — разлічыўся — забраў купленае. Ніякіх размоў, чакання або спрэчак. Усё пабудавана на даверы.
Ва ўмовах зімы, калі стаяць на холадзе за прылаўкам няпроста, такі фармат выглядае цалкам практычным. Пакупнік траціць мінімум часу, а прадавец — мінімум сілаў. І ў выніку задаволеныя абодва бакі.
Раней стала вядома пра падобную краму самаабслугоўвання, праца якой пабудаваная на сумленні і даверы, у вёсцы Ракітна Лунінецкага раёна.
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця6
Каментары