Прэзідэнт Украіны Уладзімір Зяленскі гатовы як мага хутчэй сустрэцца з прэзідэнтам ЗША Дональдам Трампам — магчыма, ужо 27 лістапада, у Дзень дзякавання. Пра гэта выданню Axios паведаміў кіраўнік Офіса прэзідэнта Украіны Андрэй Ярмак. Паводле яго, падчас перамоў лідары павінны канчаткова ўзгадніць амерыкана-ўкраінскі план завяршэння вайны.
Андрэй Ярмак адзначыў, што ЗША і Украіна ўжо дамовіліся па большасці пунктаў абноўленага дакумента, які значна перапрацаваны ў параўнанні з першапачатковым варыянтам з 28 пунктаў. Але пытанне магчымых тэрытарыяльных саступак Зяленскі хоча абмеркаваць асабіста з Трампам.
Амерыканскі чыноўнік, які пажадаў застацца ананімным, пацвердзіў, што бакі сапраўды вядуць перамовы пра сустрэчу на гэтым або наступным тыдні, але дакладная дата пакуль не вызначаная. Трамп у аўторак увечары паедзе з Вашынгтона і плануе правесці святочныя дні ў Мар-а-Лага ў Фларыдзе.
Ярмак падкрэсліў, што сустрэча падчас свята магла б набыць сімвалічнасць: Зяленскі змог бы падтрымаць пазіцыю Трампа і тым самым узмацніць яго аргументы перад перамовамі з Расіяй:
«Я спадзяюся, што візіт прэзідэнта Зяленскага адбудзецца як мага хутчэй, таму што […] гэта дапаможа прэзідэнту Трампу працягнуць яго гістарычную місію па завяршэнні гэтай вайны. Тады ён зможа сказаць: «Глядзіце, украінцы пацвердзілі і ўзгаднілі нашу пазіцыю. Мы яе падтрымліваем, і цяпер працягнем перамовы з расейцамі».
Што тычыцца гарантый бяспекі, то Ярмак паведаміў, што гатовы тэкст выглядае «вельмі пераканаўча» і можа стаць гістарычным, бо Украіна раней ніколі не атрымлівала такіх абавязваючых гарантый ад ЗША. Амерыканскі бок, паводле яго, станоўча ўспрымае ідэю замацаваць іх у юрыдычна абавязковай дамове.
Таксама Ярмак адзначыў, што Украіна не збіраецца адмаўляцца ад курсу на ўступленне ў НАТА, хоць цяпер краіна застаецца па-за альянсам.
Украіна пагадзілася абмежаваць армію да 800 тысяч чалавек
У ЗША заявілі, што Украіна пагадзілася з мірным планам Трампа
Умераў: Кіеў і Вашынгтон дасягнулі «агульнага разумення» па ключавых умовах мірнага плана
«Засталося толькі некалькі пунктаў». У Белым доме сказалі, што большасць пунктаў мірнага плана па Украіне ўзгодненыя
Пазняк пра мірны план Трампа: Гэта не справядліва, але рацыянальна для ЗША
Зяленскі: Многія пункты былі ўлічаныя ў плане па Украіне
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам10
Каментары