Hramadzianin Hruzii, prajhraŭšy ŭ kazino 14 tys. dalaraŭ, adabraŭ u žančyny sumku z sałam
Jak paviedamiŭ pamočnik prakurora Savieckaha rajona Homiela Siarhiej Sałoŭski, za rabavańnie sud Savieckaha rajona pryhavaryŭ mužčynu da šaści miesiacaŭ aryštu.
Pavodle słoŭ pamočnika prakurora, 35‑hadovy ŭradženiec hruzinskaha pasiołka Maryuli pryjechaŭ u Homiel u studzieni 2010 hoda dla kupli bytavoj techniki. Hrošy, pavodle słoŭ abvinavačvanaha, jamu dali svajaki. Na sudzie mužčyna pryznaŭsia, što jon maje vialikuju straść da azartnych hulniaŭ. Tamu ŭ Homieli zajšoŭ u adno z kazino i za viečar prajhraŭ tam usie hrošy.
«Sa słoŭ abvinavačvanaha, jon vielmi rasstrojeny sieŭ u tralejbus i jeździŭ pa horadzie. U
tralejbusie hruzin zaŭvažyŭ, pavodle jaho słoŭ, žančynu reśpiektabielnaha vyhladu i padumaŭ, što ŭ jaje mohuć być z saboj hrošy.Jon vyjšaŭ za joju na prypynku, pravioŭ da padjezda, i kali jana ŭvachodziła ŭ lift, vyrvaŭ u jaje sumačku. Adnak, uciakajučy, spatyknuŭsia ŭ padjeździe ab prystupku i ŭpaŭ. Jaho zatrymali žylcy hetaha doma, jakija ŭvachodzili ŭ padjezd, i pieradali milicyi», — rastłumačyŭ Sałoŭski.
U sumačcy žančyny była parfumieryja, mabilny telefon i dva kiłahramy śvinoha sała.
Źmieściva sumki aceniena ŭ 430 tys. rubloŭ. Była raspačata kryminalnaja sprava za rabavańnie. Kryminalny kodeks Biełarusi praduhledžvaje minimalnaje pakarańnie za hetaje złačynstva — piać hadoŭ abmiežavańnia voli. Pakolki da inšaziemcaŭ abmiežavańnie voli nie prymianiajecca i z ulikam taho, što paciarpiełaja prasiła nie karać stroha złamyśnika, da hramadzianina Hruzii prymianili artykuł 70 KK (pryznačeńnie bolš miakkaha pakarańnia, čym praduhledžana za hetaje złačynstva). Takim čynam, sud pryhavaryŭ jaho da šaści miesiacaŭ aryštu.
Pryhavor pakul nie ŭstupiŭ u zakonnuju siłu, abvinavačany maje prava jaho abskardzić.
Kamientary