U Fanipali zapuściać vytvorčaść viski pa šatłandskaj technałohii
U Fanipala idzie budaŭnictva zavoda «Brovar «Sajuz», jaki stanie pieršaj u krainie vytvorčaściu premijalnych dystylataŭ poŭnaha cykła. Zapusk namiečany na 2026 hod. Hety prajekt, ličać jaho aŭtary, moža zrabić horad adnym z centraŭ pramysłovaha turyzmu, piša fanipol.by.
Prajekt realizuje ZAT «DH-Centr», jakoje taksama raźvivaje ŭ rajonie vytvorčaść čornaj ikry i buduje žyłyja šmatpaviarchovyja damy.
«U hetaj vytvorčaści vielmi vysoki patencyjał pramysłovaha turyzmu. I ŭ našych płanach złučyć dva pradpryjemstvy: vytvorčaść čornaj ikry i vinakurniu «Sajuz», — kaža dyrektar kampanii Uładzimir Daŭhiała.
Hałoŭnaja asablivaść fanipalskaj vytvorčaści — kłasičnaja šatłandskaja technałohija z vykarystańniem miednych ałambikaŭ. Takoje abstalavańnie ŭnikalnaje dla Biełarusi. Jano dazvolić vyrablać asablivyja śpirty, jakija paśla vytrymki ŭ dubovych bočkach stanuć asnovaj dla viski i inšych napojaŭ.
«Tyja śpirty, jakija vyrablajuć miednyja kuby ałambiki, pa svaich fizika-chimičnych ułaścivaściach adroźnivajucca ad usich inšych śpirtoŭ, jakija vykarystoŭvajucca na našych ajčynnych pradpryjemstvach, tamu my nie budziem nikomu kankurentami», — rastłumačyŭ Uładzimir Daŭhiała.
Płanujecca, što zavod budzie vypuskać zbožžavyja i soładavyja dystylaty dla viski, a taksama ekśpierymientavać z vytvorčaściu džynaŭ.
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary
Naprykład u Niamieččyni u tannych handlovych sietkach kštałtu Netto albo Kaufland prysutničaje raznastajny mocny ałkahol u butelkach roznaha pamieru, ale niezaŭvažna, kab jaho nadta aktyŭna kuplali. Ale ž popyt na vino i piva adnosna stabilny.