Prybiralščycy ŭ škole nie praciahnuli kantrakt — jana adsudziła 10 zarobkaŭ
Jak atrymałasia?
Volha (imia źmieniena) pracavała ŭ adnoj sa škoł Hrodzienskaj vobłaści. Uletku ŭ žančyny zakančvaŭsia kantrakt. Viedajučy, što sumlenna vykonvaje svaje abaviazki, jana napisała zajavu z prośbaj praciahnuć jaho na maksimalny termin. Ale praź niekalki dzion atrymała paviedamleńnie ab zvalnieńni, i nieŭzabavie była zvolniena, paviedamlaje sajt Fiederacyi prafsajuzaŭ.
— Pa ahulnym pravile kantrakt u miežach piacihadovaha terminu praciahvajecca pa zhodzie bakoŭ. Heta značyć adnaho žadańnia rabotnika niedastatkova. Pakolki Volha nie adnosicca da asobnych katehoryj, ź jakimi najmalnik pavinien praciahvać pracoŭnyja adnosiny, jaje, zdavałasia b, možna było zvolnić.
Adnak va ŭstanovie nie ŭličyli ŭmovy kalektyŭnaj damovy, — źviartaje ŭvahu pravavy inśpiektar pracy Julija Šyrkaviec. — Im ustanoŭlena: kali rabotnik nie parušaje vytvorča-technałahičnuju, vykanaŭčuju i pracoŭnuju dyscyplinu, ź im abaviazany praciahnuć kantrakt.
Niahledziačy na dovady prafsajuznaha jurysta, administracyja škoły praciahvała stajać na svaim, i sprava dajšła da suda.
Najmalnik sprabavaŭ dakazać, što na Volhu zhadanaje pałažeńnie kalektyŭnaj damovy nie raspaŭsiudžvajecca: žančynie, maŭlaŭ, nie raz rabili vusnyja zaŭvahi za spaźnieńni, a značyć, jaje nielha ličyć sumlennym rabotnikam. Ale čamu ŭ takim vypadku, ad žančyny nie zapatrabavali tłumačalnych zapisak i nie pryniali jakich-niebudź mier? Za ŭvieś hod da zakančeńnia kantrakta ŭ Volhi nie było ni adnaho spahnańnia.
— Zvalnieńnie rabotnicy pryznali niezakonnym z-za parušeńniaŭ umoŭ kalektyŭnaj damovy. Da momantu vyniasieńnia rašeńnia škołu, dzie pracavała Volha, likvidavali, a sama jana ŭžo znajšła novuju pracu. Adnavić prybiralščycu na raniejšym miescy było niemahčyma, i sud, jak praduhledžana dla padobnych situacyj č.2 art.243 Pracoŭnaha kodeksa, uskłaŭ na najmalnika abaviazak vypłacić kampiensacyju ŭ pamiery dziesiacikratnaha siaredniemiesiačnaha zarobku, — tłumačyć pravavy inśpiektar pracy. — Z ulikam kampiensacyi maralnaj škody Volzie naležyć zvyš 8 tysiač rubloŭ. Najmalnik sprabavaŭ abskardzić rašeńnie, ale apielacyjnaja instancyja pakinuła jaho ŭ sile.
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary