Litoŭskija pieravozčyki rychtujuć kalektyŭny pazoŭ suprać svajho ŭrada z-za zachrasłych u Biełarusi hruzavikoŭ
Litoŭskaja asacyjacyja pieravozčykaŭ Linava rychtuje kalektyŭny pazoŭ suprać svajho ŭrada z-za hruzavikoŭ, jakija zachraśli na biełaruskaj miažy ź minułaha hoda. Pa słovach prezidenta asacyjacyi Erłandasa Mikienasa, da pazovu dałučylisia bolš za 100 kampanij, piša Delfi.lt.
Jak paviedamlajecca, situacyja zastajecca niaźmiennaj: hruzaviki ŭ Litvu ŭsio jašče nie viarnulisia, a ad litoŭskaha ŭrada ci ad Biełarusi nijakaj infarmacyi adnosna ich losu niama. Asacyjacyja dapamahaje pieravozčykam znajści jurydyčnuju padtrymku i vyznačyć, ź jakoj firmaj buduć supracoŭničać dla padrychtoŭki pazovu.
Na pačatkovym etapie Linava płanuje šukać mirnyja rašeńni praź jurystaŭ, a ŭ vypadku niaŭdačy buduć vykarystoŭvacca inšyja mietady. Na sustrečy z pradstaŭnikami Ministerstva transpartu było vyrašana, što hałoŭnaje — dapamahčy hruzavikam viarnucca, a nie ličyć ich dakładnuju kolkaść.
Pieravozčyki adznačajuć, što choć MZS nibyta pracuje nad prablemaj, jany pakul nie atrymlivajuć nijakaj kankretnaj infarmacyi.
Pavodle Linava, u Biełarusi mohuć znachodzicca kala 4000 zarehistravanych u Litvie transpartnych srodkaŭ. Litoŭskaja mytnia davała zusim inšyja ličby: 185 transpartnych srodkaŭ ź litoŭskimi numarami na miažy.
Prezident Linava: Prablema litoŭskich fur u Biełarusi budzie vyrašacca tolki ŭ nastupnym hodzie
Litoŭskaja asacyjacyja pieravozčykaŭ pryznała, što nie viedaje, kolki hruzavikoŭ ciapier zatrymana ŭ Biełarusi
Ministr justycyi Litvy: Kali Biełaruś kanfiskuje hruzaviki, Vilni daviadziecca pryniać miery ŭ adkaz
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary