Толькі адзін прадстаўнік Беларусі выступіць у спаборніцтвах па фрыстайле на Зімовай Алімпіядзе ў Мілане
Гэта алімпійская чэмпіёнка Пхёнчхана-2018 і сярэбраная медалістка Пекіна-2022 Ганна Гуськова.
Пасля допуску беларускіх фрыстайлістаў да кваліфікацыйнага адбору яны ўзялі ўдзел у трох этапах Кубку свету.
Беларуска Ганна Гуськова заняла 28‑е месца ў кваліфікацыйным рэйтынгу.
Ліцэнзіі на Алімпіяду-2026 у Італіі атрымлівалі 24 найлепшыя мужчыны і жанчыны ў кваліфікацыйным рэйтынгу. Пры гэтым пуцёўку на галоўны старт чатырохгоддзя маглі атрымаць не больш за чатыры прадстаўнікі ад адной краіны.
Дзякуючы таму, што фрыстайлісткі з ЗША, Кітая і Аўстраліі, якія апярэдзілі Гуськову, сталі «пятым лішнім» ад сваіх краін, менавіта наша суайчынніца кваліфікавалася на Алімпійскія гульні, піша «Прессбол».
У турніры таксама ўдзельнічалі іншыя беларускія спартсмены, якім не ўдалося прабіцца ў Італію. Ганна Дзяруга заняла выніковае 32‑е месца, Анастасія Андрыянава — 36-е. У мужчын Уладзіслаў Вазнюк стаў 44-м, Ігар Драбянкоў — 45-м.
Таму толькі Ганна будзе адзіным прадстаўніком Беларусі.
З-за падтрымкі пратэстаў у 2020 годзе з каманды фрыстайлу выкінулі Аляксандру Раманоўскую, таксама як і адхілілі трэнера Мікалая Казеку, дзякуючы якому беларускія фрыстайлісты з 1998 года кожныя Гульні прывозілі медалі — усяго восем, у тым ліку чатыры залатыя.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары