Pieršaje pasiadžeńnie pavinna adbycca siońnia ŭ Vašnhtonie.
Pres-sakratar Biełaha doma Karalin Levit zajaviła, što ŭ pieršym pasiadžeńni Rady miru dla Hazy voźmuć udzieł pradstaŭniki bolš za 20 krain śvietu.
«Viedaju, što havorka idzie pra bolš jak 20 krain, a heta pakazvaje na vialikuju cikavaść da pasiadžeńnia. Nie budu začytvać vam śpis z 20 krain z trybuny, ale my jaho damo paźniej, — zajaviła jana padčas bryfinhu.
Levit raspaviała, što padčas hetaha pasiadžeńnia Donald Tramp abvieścić pra abaviazacielstva krain-udzielnic dać bolš za 5 miljardaŭ dalaraŭ na rekanstrukcyju i humanitarnyja namahańni ŭ Hazie, a taksama nakiravać tysiačy vajskoŭcaŭ i supracoŭnikaŭ pravaachoŭnych orhanaŭ dla razhortvańnia ŭ ankłavie mižnarodnych stabilizacyjnych sił i palicyi.
Damovu ab stvareńni Rady miru pad kiraŭnictvam prezidenta ZŠA 22 studzienia padpisali ŭ šviejcarskim Davosie. Rada miru, pavodle zadumy Trampa, pavinna zasiarodzicca na ŭmacavańni miru ŭ Hazie i jaho adnaŭleńni, a zatym uziać na siabie bolš šyrokuju rolu va ŭrehulavańni hłabalnych kanfliktaŭ. Na cyrymonii padpisańnia prysutničali pradstaŭniki mienš jak 20 krain.
Ź dziaržaŭ-členaŭ Jeŭrapiejskaha Sajuza ŭ zasnavańni Rady miru ŭziali ŭdzieł Vienhryja i Bałharyja. Premjer-ministr Vienhryi Viktar Orban zajaviŭ, što asabista pajedzie da Trampa na pasiadžeńnie.
Ad Biełarusi ŭ Vašnhton pavinien prybyć ministr zamiežnych spraŭ Maksim Ryžankoŭ. Łukašenka admoviŭsia lacieć u stalicu ZŠA, zajaviŭšy, što, mahčyma, paŭdzielničaje ŭ nastupnych pasiadžeńniach, kali jany projduć u Jeŭropie ci Turcyi.
Łukašenka zajaviŭ, što budzie ŭdzielničać u Radzie miru, ale paźniej
«Vyrašycie pytańnie, kab ja zmoh spakojna prylacieć». Łukašenka raskazaŭ, čamu nie palacieŭ u Vašynhton
«Ciapier adumaŭsia Makron». Łukašenka skazaŭ, što pieradavaŭ francuzam miesiedž ad Pucina
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary