Pamierła Ana Mierdak Man, byłaja žonka miedyjamahnata i pratatyp hieraini «Spadkajemcaŭ»
Ana Mierdak Man, piśmieńnica i byłaja žonka Rupierta Mierdaka, pamierła va ŭzroście 81 hoda, paviedamili ŭ jaho miedyjakampanii.
Pražyŭšy ŭ šlubie ź miedyjamahnatam 31 hod, jana, jak piša New York Post, była «aktyŭnym partnioram» pry stvareńni karparacyi News Corp.
«Jon nikoli nie prymaŭ važnych biznes-rašeńniaŭ bieź jaje ŭdziełu», — piša Australian, jašče adno vydańnie ź jaho miedyjachołdynhu.
Mierdak Man była maci traich dziaciej miedyjamahnata: Elizabet, Džejmsa i Łachłana Mierdaka, jaki zaraz źjaŭlajecca staršynioj telekampanii Fox i News Corp.
U 1999 hodzie razvod Mierdakaŭ staŭ adnym z samych darahich u historyi — Mierdak-Man atrymała kampiensacyju 1,7 młrd dalaraŭ. Užo praz 17 dzion Mierdak ažaniŭsia sa svajoj treciaj žonkaj Viendzi Denh.
U intervju paśla razvodu Mierdak-Man skazała vydańniu Australian Women's Weekly: «Dumaju, napieradzie šmat hora i ciažkaściej» — majučy na ŭvazie spadkajemcaŭ u miedyjaimpieryi Mierdaka.
Bitva za miedyjaimpieryju natchniła na stvareńnie znakamitaha telesieryjała «Spadkajemcy» — a taksama razhortvałasia ŭ realnym žyćci ŭ sudach.
Jana zaviaršyłasia tym, što vosieńniu minułaha hoda siamja 94‑hadovaha miedyjamahnata dasiahnuła pahadnieńnia — kantrol nad miedyjaimpieryjaj zachavaje 54‑hadovy Łachłan Mierdak.
Kamientary