Polskaha doktara, jaki vydaliŭ biełaruscy repraduktyŭnyja orhany, adchilili ad pracy
Polskaha lekara z Poznani Daryjuša S., jaki apieryravaŭ 24‑hadovuju biełarusku Viktoryju i vydaliŭ joj macicu i abodva jaječniki, adchilili ad pracy. Pavodle infarmacyi polskich ŚMI, ciapier jon znachodzicca ŭ adpačynku, nie pravodzić apieracyj i nie kantaktuje z pacyjentami, piša Most.
Pradstaŭnik kliniki paviedamiŭ, što takija miery pryniatyja ŭ tym liku dziela «psichałahičnaha kamfortu» lekara. Pry hetym dakładnyja terminy jaho mahčymaha viartańnia da pracy nie nazyvajucca. Dyrektarka miedustanovy paćvierdziła, što doktar u adpačynku, ale publična nie ŭdakładniła, ci źjaŭlajecca heta aficyjnym adchileńniem.
Ciapier abstaviny apieracyi vyvučaje śpiecyjalnaja miedycynskaja kamisija, stvoranaja kiraŭnictvam kliniki. Jana analizuje miedycynskuju dakumientacyju, kab vyśvietlić, nakolki abhruntavanymi byli dziejańni chirurha. Paśla pravierki budzie pryniata rašeńnie pra dalejšaje supracoŭnictva ź im.
Historyja pačałasia ŭ krasaviku 2024 hoda, kali Viktoryja źviarnułasia da lekara z bolami ŭ žyvacie. Paśla abśledavańnia jaje špitalizavali i praviali apieracyju. Spačatku byŭ vydaleny adzin jaječnik z puchlinaj, ale zatym lekar pryniaŭ rašeńnie vydalić i druhi jaječnik razam z macicaj, matyvujučy heta padazreńniem na zapuščany rak.
Adnak paźniejšaje patamarfałahičnaje daśledavańnie pakazała, što puchlina mieła nizkuju stupień złajakasnaści, a prahnoz vyžyvańnia pry takich vypadkach vielmi vysoki. Paśla apieracyi pacyjentka źviarnułasia da jurysta, jaki paviedamiŭ pra incydent u prakuraturu.
Śledstva pryjšło da vysnovy, što apieracyja mahła być nieabhruntavanaj. Akramia taho, vyśvietliłasia, što pacyjentka nie padpisvała zhody na ŭmiašańnie ŭ tym abjomie, u jakim jano było praviedziena, a ŭ miedycynskich dakumientach mahli być niedakładnyja źviestki.
U listapadzie 2025 hoda doktaru vystavili abvinavačańnie ŭ pryčynieńni ciažkich cialesnych paškodžańniaŭ. Paźniej jano było pierakvalifikavana ŭ naŭmysnaje. Kali sud pryznaje jaho vinavatym, jamu pahražaje ad 3 da 20 hadoŭ pazbaŭleńnia voli.
Kamientary
Infapovad: polski chirurh praapieravaŭ biełarusku
1. "Našaj Nivie" nie chapaje srodkaŭ na dostup da aryhinalnych materyjałaŭ. U žurnalista "Haziety Vyborčaj" jość imia. Jaho možna pabačyć na sajcie vydańnia. Ale dostup płatny.
2. Intraapieracyjnaj histałohija. Takoje jość u Biełarusi? To bok histałahičny analiz maje być vykananym ciaham apieracyi, nakolki ja razumieju. Ale ž lubaja apieracyja abmiežavana pa času, chirurh musić paśpieć uvajści i vyjści, i musić vykonvać patrabavańni anastezijołaha.
a. Za jaki pramiežak času u Minsku možna zrabić histałahičny analiz?
b. Jakija kliniki u Minsku mohuć zrabić histałohiju sami?
v. Ci isnuje uvohule u Minsku intraapieracyjnaja histałohija?
h. Kamu naležać pryvatnyja miedycynskija łabaratoryi, pasłuhami katorych karystajucca minskija kliniki? Heta biźniesy Biełarusi, ci Rasii? ( INVITRO, prykładam. )
3. Luby čałaviek maje prava na pamyłku. Mnie zdajecca što paraŭnoŭvać istotna roznyja pracesy niepravamierna. Poznańskaja miedycyna istotna adroźnivajecca ad minskaj.
Polskaha chirurha budzie sudzić polski sudździa.
Ruski tekst niejkaj Ksienii na "Varšava" uvohule manipulacyja, biez spasyłki na aryhinalny materyjał žurnalista "Haziety Vyborčaj".
Ź pierakładu na ruskuju Mastom materyjała žurnalista "Haziety Vyborčaj" vynikaje, što dziejańni chirurha analizuje zaraz kamisija, stvoranaja dyrektarkaj kliniki, muž katoraj i byŭ anastezijołaham na toj apieracyi (krasavik 2024-ha). Aryhinał "Haziety Vyborčaj" mnie uvohule niedastupny.
4. Ja liču, što anijakich miedyjumaŭ pamiž biełaruskim čytačom i materyjałam polskaha žurnalista nie pavinna być uvohule. "Jazyk miežnacionalnoho obŝienija" - vielmi zahadkavaja sensavaja kanstrukcyja.