Стас Міхайлаў у красавіку дасць у Мінску два канцэрты запар. І квіткоў ужо амаль няма
Першапачаткова планавалася, што Стас Міхайлаў выступіць 4 красавіка. На вялікую пляцоўку арганізатары не замахваліся, выбралі Палац спорту. Але ахвотных пачуць «Усё для цябе» набралася столькі, што прыйшлося аператыўна ставіць дадатковы канцэрт на наступны дзень.
Палац спорту падчас канцэртаў змяшчае да 4500 чалавек — гэта калі максімальна шчыльна ўтрамбаваць гледачоў на танцпол. Квіткі на першы канцэрт разляцеліся даволі хутка, на дадатковы засталося некалькі соцень самых дарагіх у партэры.
За магчымасць паглядзець на Стаса Міхайлава трэба заплаціць ад 85 да 305 рублёў.
Але, здаецца, больш за ўсё чакае сустрэчы з расійскім спеваком яго беларускі калега Герман Цітоў.
Раней той спрабаваў з дапамогай падпісчыкаў дамагчыся, каб з ім праспяваў Шаман — але атрымаў ад прадстаўнікоў Z-зоркі гарбуза.
Цяпер Герман зноў просіць падпісчыкаў адзначаць Стаса Міхайлава ў каментарах пад яго допісам, каб зрабіць сваю мару рэчаіснасцю. Хоча, каб расійскі артыст праспяваў разам з ім песню са свайго рэпертуару «Журавы ляцяць у Кітай» (музыку да яе сам Герман і напісаў). Каля 40 чалавек выканалі просьбу Цітова.
Нагадаем, Стас Міхайлаў падтрымаў напад на Украіну з першых дзён. У лютым 2022 года ён напісаў у інстаграме: «Расія ніколі не вяла вайну з Украінай і ніколі не будзе ваяваць з украінскім народам. Расія праводзіць спецаперацыю па дэмілітарызацыі і дэнацыфікацыі. Яна вызваляе нашых братоў ад «людзей», якія не могуць ёю кіраваць, ад «людзей», якія вядуць яе ў прорву (…). У гэты момант мы павінны ўсе аб’яднацца і падтрымаць нашага прэзідэнта, бо ў яго цяпер вельмі няпросты час — практычна ўвесь «прагрэсіўны Захад» абвясціў яму вайну, а значыць і кожнаму з нас».
Беларусы размятаюць квіткі на канцэрты зумера Вані Дзмітрыенкі з Краснаярска не толькі ў Мінску, але ў рэгіёнах
Затрымалі падлетка з Мінска, які прадаваў фальшывыя квіткі на канцэрт расійскага рэпера Мота
Каб раздаць квіткі на Шамана, падключылі райвыканкамы. А ён запісаў відэа «Привет, Белоруссия!» і спяваў гімн Расіі
Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта
У гарах Кыргызстана з дрона адшукалі целы зніклых беларускіх альпіністаў8
Каментары
[Зрэдагавана]